Miðvikudagurinn 15. ágúst 2012

Boris Johnson gefur Cameron ráð um að sýna meiri dirfsku í efnahagsmálum - útilokar ekki þingframboð að nýju

Boris Johnson, borgar­stjóri í London, hefur hvatt flokksbróður sinn David Cameron forsætis­ráðherra til að hætta að „tipla á tánum“ í efnahagsmálum og stuðla frekar að stórframkvæmdum í London sem verði aflvaki um landið allt.

Grikkland: Pakistanskir innflytjendur kvarta undan árásum og afskiptaleysi lög­reglu

Pakistanskir innflytjendur í Grikklandi segja að árásir á þá hafi aukizt á undanförnum mánuðum og þeir halda því fram, að gríska lög­reglan veiti þeim ekki nægilega vernd. Þetta kemur fram á ekathimerini. Talsmaður þeirra segir líka, að lög­reglan hafi beitt þá ofbeldi í leit að ólöglegum innflytjendum.

Samaras á fund leiðtoga evruríkja-álitamál hvort hann fær áheyrn

Antonis Samaras, forsætis­ráðherra Grikklands mun hitta nokkra helztu leiðtoga evruríkjanna í næstu viku og fara fram á tveggja ára framlengingu á þeim tíma, sem Grikkir fá til að framkvæma lánaskilmála á þeirri forsendu að efnahagslægðin í Grikklandi sé að verða dýpri, en áætlað hafði verið, þegar samið var um þá skilmála.

Grikkir seldu skammtíma­bréf fyrir 4 milljarða evra-stærsta útboð í tvö ár

Gríska ríkið seldi í gær skammtíma­bréf til 13 vikna fyrir 4 milljarða evra á markaði, fyrst og fremst til grískra banka. Þetta er stærsta útboð Grikkja á markaði í tvö ár.

Standard Chartered borgar 340 milljónir dollara í sekt-Rannsókn heldur áfram

Brezki bankinn Standard Chartered samþykkti í gær að borga 340 milljónir dollara í sekt til fjármála­eftirlits New York ríkis vegna brota á bandarískum reglum um bankaviðskipti við Íran. Bankinn hafði áður boðizt til að greiða 5 milljónir dollara og taldi málið ná til 14 milljón dollara viðskipta.