Föstudagurinn 12. október 2012

Sergei Lavrov: Auðvitað engin hergögn í vélinni - varahlutir í ratstjár

Rússar segja að varahlutir í ratsjár hafi verið í sýrlensku farþegaflugvélinni sem Tyrkir neyddu til að lenda á flugvellinum við Ankara, höfuðborg Tyrklands. Varningurinn sé löglegur og ekkert við hann að athuga.

Vaclav Klaus segir sorgleg mistök að veita ESB friðarverðlaun Nóbels

Vaclav Klaus, forseti Tékklands, sagði föstudaginn 12. október að það hefðu verið „sorgleg mistök“ að veita Evrópu­sambandinu friðarverðlaun Nóbels. „Ég hélt bara að þeir væru að grínast, plata okkur. Ég gat ekki ímyndað mér ekki einu sinni í draumaveröld að einhverjum dytti þetta í hug í alvöru,“ s...

Evrópu­sambandið fær friðarverðlaun Nóbels fyrir sögulegt hlutverk í að koma á friði í Evrópu

Evrópu­sambandið verður handhafi friðarverðlauna Nóbels í ár skv. tilkynningu, sem gefin var út í Osló í morgun fyrir sögulegan þátt í að sameina meginland Evrópu. Reuters segir að markmiðið með verðlauna­veitingunni sé að hvetja ESB til dáða í skuldakreppunni.

Þýzkaland: 46% vilja Grikkland áfram á evru­svæði-45% að þeir fari út

Ný skoðanakönnun í Þýzkalandi bendir til þess að 46% Þjóðverja vilji að Grikkland verði áfram á evru­svæðinu en að 45% telji að Grikkir eigi að fara út. Frá þessu segir Deutsche-Welle. Þetta er í fyrsta sinn í meira en ár sem fleiri Þjóðverjar vilja skv. könnun að Grikkir haldi áfram innan evru­svæðisins.

Finnar vilja stóraukið samstarf við Norðmenn um norðurslóðir

Sauli Niinistö, forseti Finnlands hefur verið í opinberri heimsókn í Noregi. Í ræðu í Osló í gær sagði Niinistö, að Norðmenn væru nú helztu samstarfsaðilar Finna á norðurslóðum. Forsetinn hvatti til metnaðarfyllri samskipta Noregs og Finnlands.

Þýzkar rannsóknar­stofnanir efast um að Grikklandi verði bjargað

Fultrúar nokkurra rannsóknar­stofnana um efnahagsmál í Þýzkalandi draga í efa að hægt verði að bjarga Grikklandi. Þetta kemur fram í Der Spiegel. Þessar stofnanir lýsa mati sínu á stöðu efnahagsmála í Þýzkalandi tvisvar á ári. Joachim Scheide frá Kiel Institute for the World Economy, segir að mat hans stofnunar sé að Grikklandi verði ekki bjargað.

AGS og Þýzkaland á öndverðum meið um Grikkland

Alþjóða gjaldeyris­sjóðurinn og Þýzkaland eru á öndverðum meið um Grikkland. Christine Lagarde, for­stjóri AGS, segir að Grikkir þurfi meiri tíma og meira svigrúm en Wolfgang Schauble, fjármála­ráðherra Þýzkalands gagnrýnir hana fyrir að kalla eftir slíku áður en fulltrúar þríeykisins hafa skilað skýrslu um stöðu mála í Grikklandi. Þetta kemur fram á Reuters í morgun.

Mario Monti: Gagnrýnir fordóma Norðurlanda í garð Ítalíu - segir nauðsynlegt að svara andróðri gegn meiri ESB-samruna

Mario Monti, forsætis­ráðherra Ítalíu, hvatti til þess í ræðu fimmtudaginn 11. október að leiðtogar ESB-ríkjanna snerust til varnar gegn andróðri á móti frekari samruna ESB-ríkjanna. Hann lýsti þessum andróðri sem „raunverulegum pólitískum vanda“ á líðandi stundu þegar hann ávarpaði hugveituna Friend...