Sunnudagurinn 21. október 2012

Héraðskosningar á Spáni: Sjálfstæðis­sinnar sigra í Baskalandi - flokkur hægri manna í Galasíu

Útgönguspár sýna að flokkar þjóðernissinna í Baskalandi Spánar hafi unnið sigur í héraðs­stjórnakosningum sunnudaginn 21. október og er talið líklegt að verði niðurstaðan á þennan veg muni hún enn ýta undir sjálfstæðis­baráttu í Baskalandi. Mest fylgi hlýtur hinn hægrsinnaði Baskneski þjóðernisflok...

Breski Íhalds­flokkurinn: Afsögn þing­flokksformanns setur Cameron í nýjan vanda

Andrew Mitchell, þing­flokksformaður breska Íhalds­flokksins með stöðu ráðherra, sagði af sér embætti föstudaginn 19. október vegna gagnrýni sem hann hefur sætt fyrir að veitast að lög­regluþjóni sem gætti bifreiðahliðs inn í Downing-stræti í London. Lög­reglumaðurinn sagði Mitchell að hann yrði að stíg...

Utanríkis­ráðherra Möltu fer í framkvæmda­stjórn ESB

Ríkis­stjórn Möltu hefur tilnefnt utanríkis­ráðherra landsins, Tonio Borg, í framkvæmda­stjórn ESB í stað Johns Dallis frá Möltu sem fór þar með heilbrigðismál en neyddist til að segja af sér vegna ásakana um spillingu í tengslum við ákvarðanir um neftóbak frá Svíþjóð. Borg er lög­fræðingur, auk þess að gegna embætti utanríkis­ráðherra hefur hann verið vara-forsætis­ráðherra.

Finnar náðu ekki kosningu í Öryggisráðið

Finnland náði ekki kosningu í Öryggisráð Sameinuðu þjóðanna fyrir tímabilið 2013-2014. Finnar kepptu við Ástralíu og Lúxemborg um tvö laus sæti Vestur-Evrópu­rikja og annnarra ríkja, sem Þýzkaland og Portúgal sitja nú í. Í fyrstu umferð fékk Ástralía 140 atkvæði, sem dugði til að tryggja Áströlum sæt...

Ekatimerini: Vaxandi ofbeldi og ótti einkennir grískt sam­félag

Gríski vefmiðillinn, ekathimerini, segir að vaxandi ofbeldi og ótti einkenni grískt sam­félag. Til marks um það sé að hringingum hafi fjölgað mjög til neyðarlínu lög­reglunnar til þess að tilkynna um annað hvort líkamlegt ofbeldi eða hótanir. Sofia Papingioti, sem vinnur við að svara í þann sima segir ljóst að borgarar séu að missa þolinmæðina, þeir verði afundnari og tilbúnari til slagsmála.

Írland: Samkomulagið frá í júní verður að standa segja stjórnvöld

Richard Bruton, vinnumála­ráðherra Írlands segir að írska rikis­stjórnin muni halda áfram að berjast fyrir tilslökun vegna bankaskulda Íra, þrátt fyrir ummæli Angelu Merkel, sem sagt var frá hér á Evrópðuvaktinni í gær og hafa orðið til að slá á vonir Íra um lagfæringu á vaxta­kjörum þeirra lána.

NYTimes: Grískt sam­félag er að brotna saman-stefnir í borgarastyrjöld?

New York Times segir að grískt sam­félag sé að riðlast og sundrast. Meðlimir Gullnar Dögunar, nýnazista­flokks, lendi hvað eftir annað í átökum við vinstrisinna og innflytjendur og útbreidd skoðun í Grikklandi sé sú, að Gullna Dögun njóti stuðnings lög­reglunnar. Þingmenn bölvi hver öðrum og séu á bólakafi í spillingu.

Bretland: Aðhaldi mótmælt í London, Glasgow og Belfast

Mótmælaaðgerðir vegna aðhaldsaðgerða stjórnvalda hafa nú náð til Bretlands. Í gær gengu tugir þúsunda um götur miðborgar Lundúna til þess að mótmæla niðurskurði. Financial Times segir að slökkviliðsmenn, hjúkrunarfólk og kennarar hafi tekið höndum saman við atvinnulaust ungt fólk, friðarsinna og aðra aðgerðarsinna í mótmælagöngu sem verkalýðs­samtökin í Bretlandi skipulögðu.