Laugardagurinn 22. desember 2012

Europol varar við útlægum mótórhjólaklúbbum - líkur á innbyrðis átökum aukast - nýir koma til sögunnar

Europol, Evrópu­lög­reglan, óttast að koma fulltrúa nýrra glæpagengja eins og Comancheros og Rebels frá Ástralíu, Rock Machines frá Kanada og Mongols og Vagos frá Bandaríkjunum skapi spennu gagnvart þekktum mótórhjólaklúbbum í Evrópu.

Milljónir Þjóðverja selja eigin jólagjafir á netinu

Rúmlega fjórar milljónir Þjóðverja ætla að selja jólagjafir sem þeir hafa ekki áhuga á að eiga annað hvort beint eða með því að setja þær á uppboðsvefi á netinu. Þetta kemur fram í könnun sem blaðið Westdeutsche Allgemeine Zeitung birti. Könnunin sýndi að ákvörðun um að selja jólagjafir sé tekin áður en pakkar eru opnaðir.

Steingrímur J. segir ESB-málið of stórt til að ræða í sal alþingis - ætlar að ræða það í eigin þing­flokki og við Samfylkinguna

Steingrímur J. Sigfússon, formaður vinstri-grænna (VG), vék sér undan því á alþingi 20. desember að lýsa afstöðu sinni til að endurmats á ESB-aðildarviðræðunum. Hann taldi málið of stórt fyrir sig til að hann gæti svarað óundirbúinni fyrirspurn frá Einari K. Guðfinnssyni, þingmanni Sjálfstæðis­flokks...

Páfi náðar fyrrverandi einkaþjón sinn

Benedikt páfi XVI. hefur náðað Paolo Gabriele, fyrrverandi einkaþjón sinn, sem dæmdur var í 18 mánaða fangelsi fyrir að stela trúnaðarskjölum. Páfi fór til Gabriele í fangelsið til að skýra honum frá ákvörðun sinni. Gabriele var dæmdur sekur í október fyrir að stela og afrita skjöl páfa og leka þei...

Spánn: Um 23 þúsund manns á götunni-80% karlmenn

Um 23 þúsund manns lifa á götunni á Spáni að sögn El Pais, spænska dagblaðsins. Aðallega eru þetta karlmenn eða um 80% og helmingur þeirra er undir 45 ára aldri. Þeir hafa misst bæði vinnu og heimili en 32% þeirra hafa misst heimili sín á þessu ári. Auk atvinnumissis, getuleysis til að greiða afborganir af fasteignalánum koma skilnaðir við sögu.

Handelsblatt: Samaras stjórnmálamaður ársins í Evrópu

Þýzka dagblaðið Handelsblatt hefur valið Antonis Samaras, forsætis­ráðherra Grikklands, sem stjórnmálamann ársins í Evrópu. Blaðið segir hann hafa á erfiðum tímum gert sér grein fyrir hverjir þjóðar­hagsmunir Grikkja væru og hagað störfum sínum í samræmi við það. Í blaðinu segir Hans-Dietrich Genscher, fyrrum utanríkis­ráherra Þýzkalands að Samaras hafi sýnt hugrekki og staðfestu.

Grænlendingar stefna á nánara samband við Bandaríkin

Grænlendingar stefna á nánara samstarf við Bandaríkin að því er fram kemur í dönskum blöðum í dag. Þeir stefna á að opna skrifstofu í Washington DC til þess að greiða fyrir auknum viðskiptum á milli landanna. Þetta kemur fram í Berlingske Tidende. Josef Motzfeldt, formaður landsþingsins á Grænlandi segir að þessi ákvörðun sé hluti af því að Grænland slíti tengslin við Danmörku smátt og smátt.

Ítalía: Mario Monti sagði af sér í gærkvöldi

Mario Monti sagði af sér sem forsætis­ráðherra Ítalíu í gærkvöldi, eftir að ítalska þingið hafði samþykkt fjárlög fyrir næsta ár.