Fimmtudagurinn 14. febrúar 2013

Þýskar verslanir fjarlægja vörur með hrossakjöti í stað nautakjöts

Hrossakjöt hefur fundist í frystri lasagna í verslunum í Þýskalandi og þar hafa stjórnendur verslana tekið til við að fjarlægja vörur úr frystikistum sínum. Real-verslanakeðjan sagði að TiP-frosin lasagna yrði ekki til sölu hjá sér. Í verslunum Tengelmann og Rewe er unnið að rannsókn á frystu nautakjöti.

Skýrsla utanríkis­ráðherra: Makríldeilan og gjaldeyris­höftin hindra framgang ESB-aðildarviðræðnanna

Í skýrslu utanríkis­ráðherra til alþingis sem er til umræðu á alþingi fimmtudaginn 14. febrúar er því slegið föstu að makríldeilan ráði því að ESB hafi ekki skilað rýniskýrslu um sjávar­útvegsmál í ESB-aðildarviðræðunum. Til þessa hefur það verið yfirlýst skoðun af hálfu utanríkis­ráðherra og ráðuneyti...

Rússland: Verðum að vera með stálhnefa í silkihönskum í samskiptum vegna Norðurslóða

Rússneskir diplómatar, sem fjalla um norðurslóðir verða að vera með stálhnefa í silkihönskum, þegar þeir taka í hendina á samstarfsaðilum á svæðinu segir rit­stjóri stærsta tímarits, sem fjallar um hernaðarmálefni í Rússlandi.

Samdráttur í Þýzkalandi og Frakklandi og evru­svæðinu öllu á síðasta fjórðungi 2012

Samdráttur varð í efnahagslífi á evru­svæðinu öllu á síðasta fjórðungi 2012, sem nam 0,6% og var meiri en gert hafði verð ráð fyrir. Hið sama á við um bæði Þýzkaland og Frakkland. Reuters segir, að evru­svæðið sé að sökkva lengra niður i samdrátt og tölurnar valdi áhyggjum um stöðu mála á fyrsta fjórðungi þessa árs.

FT: Er ný eignabóla að verða til?

Sir Mervyn King, fráfarandi Englandsbanka­stjóri varar við nýrri eignabólu skv. fréttum Financial Times. Hann telur að opin peningamála­stefna seðlabanka geti verið að skapa meiri bjartsýni á mörkuðum en efni standi til. Áhugi á áhættusamari eignum hafi aukizt eftir að meiri ró færðist yfir fjármála­markaði.