Fimmtudagurinn 28. febrúar 2013

ESB: Samkomulag um þak á bónus­greiðslur til banka­stjóra - Boris Johnson undrast erindi Breta í ESB með sjálfseyðingarhvöt

Samkomulag hefur náðst milli ESB-þingsins og ráðherraráðs ESB um nýjar reglur um starfsemi banka- og fjármála­stofnana.

Evrópu­dómstólinn: Grikkland verður að innheimta 310 milljónir evra, sem skipasmíðastöð fékk í styrk 1992

Evrópu­dómstóllinn í Lúxemborg hefur úrskurðað að grísk stjórnvöld eigi að endurheimta 310 milljónir evra frá Skaramangas skipasmíðastöðinni, sem er styrkur, sem stöðin fékk árið 1992 fyrir 21 ári. Dómstóllinn segir að þess styrkur samræmist ekki reglum hins sameinaða markaðar.

Írland: Deilur um nýjan kjarasamning um launalækkun opinberra starfsmanna

Vaxandi átök eru á Írlandi um nýja kjarasamninga við opinbera starfsmenn, sem byggja á 5% lækkun launa að meðaltali en allt að 10% lækkun hærri launa. Stærstu samtök opinberra starfsmanna á Írlandi styðja þessa samninga en kennara­samtök og fleiri samtök hafa lýst því yfir að þau muni ráðleggja félagsmönnum sínum að hafna þeim.

FT: Ráðgjafi ríkis­stjórnar Jóhönnu segir Íslendinga alltaf hafa litið upp til Breta

Í dag á David Cameron, forsætis­ráðherra Breta fund með starfsbræðrum sínum frá Norðulöndunum og Eystrasaltsríkjunum í Riga í Lettlandi. Cameron átti frumkvæði að reglulegum fundum þessara aðila, sem kallast Framtíð Norðursins (Nordic Future Forum) fyrir þremur árum og vildi með því stilla saman strengi aðildarríkja ESB af þessu svæði, sem hefðu svipuð sjónarmið og viðhorf.

Sviss: Þjóðaratkvæða­greiðsla um þak á laun stjórnenda fyrirtækja á sunnudag

Á sunnudaginn kemur fer fram þjóðar­atkvæða­greiðsla í Sviss um það, hvort setja skuli þak á laun stjórnenda í fyrirtækjum. Þessi atkvæða­greiðsla hefur fengið góðar móttökur hjá almenningi en afleitar hjá ráðandi öflum í viðskiptalífinu.

Grillo lýsir Bersani sem „afturgöngu“ - Steenbrück fær ekki að hitta Ítalíuforseta - Berlusconi hvetur til stjórnar­myndunar

Beppe Grillo, leiðtogi 5-stjörnu-hreyfingarinnar, sigurvegara þingkosninganna á Ítalíu um síðustu helgi, hefur hafnað fyrsta tilboðinu um samstarf frá Pier Luigi Bersani, leiðtoga vinstri samsteypunnar, sem hefur meirihluta í neðri deild þingsins en ekki í öldunga­deildinni. Grillo lýsir Bersani sem þrá­hyggjumanni sem laumist á eftir sér.

Írland: Þríeykið hefur farið ver með okkur en Bretar gerðu í 800 ár segir forseti írska alþýðu­sambandsins

Þríeykið (ESB-AGS-Seðlabanki Evrópu) hefur valdið Írlandi meira tjóni en Bretar í 800 ár, segir David Begg, forseti írska alþýðu­sambandsins. Hann segir jafnframt að þjóðsagan um að Írland sé fyrirmyndin í endurreisn evruríkja eftir fjármálakreppuna sé þjóðsaga, sem hafi verið búin til af lánardrottnum Íra, sem hafi haft það eitt í huga að endurheimta peningana sína.

ESB: Ryanair bannað að eignast meirihluta í Aer Lingus

Framkvæmda­stjórn ESB hefur stöðvað þriðju tilraun lággjaldaflug­félagsins Ryanair til að eignast hinn írska keppinaut sinn Aer Lingus. Telur framkvæmda­stjórnin að kaupin brjóti í bága við ákvæði sem banna einokun. Ryanair telur að pólitísk sjónarmið búi að baki banninu og ætlar að kæra niðurstöðuna til ESB-dómstólsins.