Fimmtudagurinn 7. mars 2013

Rúmenum og Búlgörum áfram haldið utan Schengen-samstarfsins

Þjóðverjar komu í veg fyrir afnám vegabréfa­eftirlits á landamærum Rúmeníu, Búlgaríu og Schengen-svæðisins á fundi innanríkis­ráðherra ESB-Schengenríkjanna í Brussel fimmtudaginn 7. mars. Hans-Peter Friedrich, innanríkis­ráðherra Þýskalands, segir að Rúmenar og Búlgarar fullnægi ekki skilyrðum fullrar ...

Nýr fangelsisdómur yfir Berlusconi - sakfelldur vegna hlerunarmáls

Dómstóll í Mílanó dæmdi fimmtudaginn 7. mars Silvio Berlusconi, fyrrverandi forsætis­ráðherra Ítalíu, í eins árs fangelsi. Berlusconi var sakfelldur fyrir aðild að því að í blaði bróður hans birtist útskrift af símtali pólitísks keppinautar sem lög­regla hafði látið hlera. Dómurinn féll á fyrsta dóms...

Matthias Brinkmann verður nýr sendiherra ESB á Íslandi

Matthias Brinkmann, fráfarandi sendiherra Evrópu­sambandsins í Kanada, tekur við af Timo Summa sem sendiherra ESB hér á landi.

Rússland: Þurfum ekki að sjá ofsjónum yfir olíufundi Norðmanna

Rússneskir sér­fræðingar segja enga ástæðu fyrir Rússa til að sjá ofsjónum yfir olíufundi Norðmanna í Barentshafi. Líkur séu á, að mun meira af olíu og gasi finnist á yfirráða­svæði Rússa á þessum slóðum. Þetta kemur fram í Barents Observer í dag.

Ítalía: Talsmaður þriðja stærsta bankans fannst látinn í húsagarði

Talsmaður þriðja stærsta banka Ítalíu, Monte dei Paschi di Siena, sem hefur verið miðpunktur í miklu bankahneyksli á Ítalíu, sem sagt hefur verið frá hér á Evrópu­vaktinni, fannst látinn í húsagarði og virðist hafa hent sér út um glugga á skrifstofu sinni. Hann hét Davide Rossi og við lík hans var miði, sem á stóð: Ég hef gert svolítið heimskulegt.

Frakkland: Snýr Sarkozy til baka?

Nicolas Sarkozy, fyrrum forseti Frakklands segist hugsanlega verða knúinn til að hefja þátttöku í stjórnmálum á ný. Þetta kemur fram í viðtali við Sarkozy í frönsku vikublaði á hægri væng. Í samtalinu er Sarkozy gagnrýninn á ákvörðun Hollande um að senda franska hermenn til Malí og segir að reglan eigi að vera sú, að hafa ekki hernaðarleg afskipti af landi, þar sem engin ríkis­stjórn sé við völd.

Ítalía: Bersani vill mynda minnihluta­stjórn-leitar samstarfs við Grillo

Pier Luigi Bersani, leiðtogi Lýðræðislega vinstra bandalagsins á Ítalíu vill mynda minnihluta­stjórn og hefur lagt fram stefnumál slíkrar stjórnar í átta liðum. Fyrsta mál á dagskrá slíkrar ríkis­stjórnar væri að koma Ítalíu úr „spennitreyju“ aðhaldsaðgerða. Financial Times segir efasemdir á Ítalíu um að stjórnar­myndun Bersani takist.

Holland: Þingið knúið með undirskriftum til að ræða þjóðar­atkvæði um frekara framsal valds til Brussel

Hollenzka þingið hefur nú verið knúið til þess að taka á dagskrá hvort efna eigi til þjóðar­atkvæða­greiðslu um frekara framsal valds til Evrópu­sambandsins. Þetta liggur fyrir að sögn FT eftir að almennum borgurum tókst að safna undirskriftum 40 þúsund landsmanna á tveimur vikum með áskorun á þingið þessa efnis. Frá þessari undirskriftasöfnun hefur áður verið sagt hér í fréttum Evrópu­vaktarinnar.