Föstudagurinn 10. maí 2013

Stórátak gegn svikurum í alþjóðlegum skattaskjólum - rúmlega 100 þegar fundnir

Stofnað hefur verið til alþjóðlegrar samvinnu til að berjast gegn skattsvikurum. Yfirvöld í Bandaríkjunum, Bretlandi og Ástralíu hafa með sameinuðu átaki veitt skattsvikurum í alþjóðlegum skattaskjólum þyngsta höggið til þessa með því að afla 400 gígabæta af upplýsingum um þá sem leitað hafa í þessi skjól.

Írland: 308.000 flust á brott - rúmlega helmingur ungs fólks íhugar brottflutning

Alls hafa 308.000 Írar leitað til útlanda eftir vinnu á undanförnum fjórum árum og helmingur ungs fólks undir 24 ára aldri hefur velt fyrir sér að flytja úr landi. Frá þessu segir í blaðinu The Irish Independent föstudaginn 10. maí og þar er einnig vísað til nýrrar skýrslu sem segir að margir brottf...

Boris Johnson: Úrsögn úr ESB yrði eins og „vítamínssprauta“ fyrir breskt lýðræði

Breskt lýðræði fengi „vítamínsprautu“ færi Bretland úr Evrópu­sambandinu segir Boris Johnson, borgar­stjóri í London. Kjósendum þætti sem þeir hefðu aftur fengið hlut­deild í stjórn eigin mála ef Bretland sliti öll tengsl við Brussel.

Spánn: Þúsundir kennara og námsmanna mótmæla niðurskurði til skóla

Þúsundir kennara og námsmanna á Spáni, frá leikskólum, grunnskólum og háskólum tóku þátt í mótmælum í gær gegn niðurskurði á framlögum til skóla­mála og væntanlegum breytingum á skóla­kerfinu, sem ríkis­stjórn Rajoy hefur boðað. Talið er að um 72% kennara við opinbera skóla og um 25% kennara vð einkaskóla hafi tekið þátt í aðgerðunum.

Emma Bonino: Skortur á umburðarlyndi, totryggni í garð útlendinga og lög að engu höfð einkennir Evrópu

Emma Bonino, nýr utanríkis­ráðherra Ítalíu (og fyrrum fulltrúi í framkvæmda­stjórn ESB) segir að um alla Evrópu sé vaxandi skortur á umburðarlyndi og aukinn stuðningur við flokka pópúlista, sem ali á tortyggni í garð útlendinga. Mannamunur sé gerður og lög virt að vettugi. Stórir hópar fólks sem eru óskráðir og ferðist á milli landa njóti engra réttinda.

Grikkland: Atvinnuleysi ungs fólks komið í 64,2%

Atvinnuleysi ungs fólks í Grikklandi á aldrinum 16-24 ára er komið í 64,2% að því er fram kemur í Financial Times í dag.

Fundur fjármála­ráðherra G-7 ríkja í dag-þrýst á Þjóðverja

Í dag koma fjármála­ráðherrar G-7 ríkjanna (Bandaríkin, Bretland, Frakkland, Þýzkaland, Ítalía, Kanada og Japan) saman til fundar í Bretlandi. Í fréttum Guardian kemur fram, að Bandaríkjamenn muni nota tækifærið á þessum fundi til að þrýsta á þýzk stjórnvöld um að draga úr aðhaldspólitík og grípa til aðgerða til að auka eftirspurn heima fyrir.