Laugardagurinn 22. júní 2013

Snowden ákærður - framsals krafist - einkaflug til Íslands kostar tæpar 30 milljónir króna

Bandarísk yfirvöld hafa krafist þess að Edward Snowden uppljóstrari verði handtekinn og framseldur.

Kýpur: Mjólk, ostur og egg kosta mun meira en meðaltalið í ESB-ríkjum

Kýpverska dagblaðið Cyprus-Mail segir að tölur Eurostat(Hagstou ESB) sýni að mjólk, ostur og egg kosti að jafnaði 41% meira á Kýpur en í öðrum ESB-ríkjum. Þessar tölur sýni að brauð kosti um 31% meira á Kýpur, og áfengi 10% meira. Hins vegar var kjöt ódýrara en í ESB-ríkjum almennt og kostar 89 á móti hundrað og tóbak var líka á lægra verði eða á 82 á móti hundrað.

Grikkland: Samaras vinnur að endur­skipulagningu ríkis­stjórnar um helgina

Gríski vefmiðillinn, ekathimerini, segir að Antonis Samaras, forsætis­ráðherra Grikklands vinni nú að því að endurskipuleggja ríkis­stjórn sína eftir að Lýðræðislegi vinstri flokkurinn sagði sig frá stjórnar­samstarfinu.

Grænland: Verður úranvinnsla hafin á ný eftir 25 ára bann?

Danir eiga ekki að skipta sér af því, hvort Grænland veitir leyfi til að opna úrannámur og hefja vinnslu í þeim segir ónafngreindur embættismaður í Grænlandi við Berlingske Tidende. Úranvinnsla hefur ekki farið fram í Grænlandi í aldarfjórðung.

ESB: Hollendingar segja að tími stöðugt nánara samstarfs sé liðinn

Stjórnvöld í Hollandi eru komin að þeirri niðurstöðu, að tími sífellt nánara samstarfs ESB-ríkja sé liðinn segir í frétt í Financial Times. Hollendingar hafa birt lista yfir tilteknar ákvarðanir, sem þeir telja, að hvert ríki fyrir sig eigi að taka og með því tekið undir með David Cameron, forsætis­ráðherra Breta, sem vill takmarka ákvörðunarvald Evrópu­sambandsins.

ESB: Öngþveiti á ráðherrafundi-ekkert samkomulag um hverjir eigi að borga tap af falli banka

Snemma í morgun, laugardagsmorgun, lauk 20 klukkutíma fundi fjármála­ráðherra ESB-ríkjanna án þess að samkomulag tækist um það grundvallar­atriði hvernig greiða eigi kostnað við fall banka. Meginágreiningurinn var á milli Frakka og Þjóðverja. Frakkar reyna að útvatna reglur, sem eiga að koma í veg fyrir að skattgreiðendur sitji uppi með kostnað af falli banka. Frá þessu segir Reuters.