Þriðjudagurinn 2. júlí 2013

Frakkland: Umhverfis­ráðherra rekinn fyrir að gagnrýna fjárveitingar til eigin ráðuneytis

Delphine Batho, umhverfis­ráðherra Frakklands, hefur verið rekin úr embætti vegna gagnrýni hennar á fjárlög ríkis­stjórnar­innar.

ESB-þingið sviptir Marine Le Pen þinghelgi fyrir að líkja götu-bænhaldi múslíma við hernám nasista

ESB-þingið hefur svipt Marine Le Pen, leiðtoga Þjóðfylkingarinnar í Frakklandi, þinghelgi og verður því unnt að lögsækja hana fyrir ummæli sem hún lét falla um múslíma á árinu 2010. Hún verður nú að svara ákæru um að hafa hvatt til kynþáttahaturs. ESB-þingið greiddi atkvæði um tillögu um að svipta ...

Portúgal: Utanríkis­ráðherrann segir af sér vegna nýs fjármála­ráðherra

Paulo Portas, utanríkis­ráðherra Portúgals, hefur sagt af sér sólarhring eftir að fjármála­ráðherrann gerði það. Portas lýsti óánægju með nýjan fjármála­ráðherra vegna hörku hans í ríkisfjármálum og ákvað að hverfa úr ríkis­stjórninni. Utanríkis­ráðherrann fráfarandi er formaður þjóðernissinnaðs hægri flokks, CDS-PP, sem er minni samstarfs­flokkurinn í ríkis­stjórn landsins.

Snowden aðeins tekið vel í Venezúela og Bólivíu - ekkert Evrópu­ríki jákvætt til hælisumsóknar hans - forseti ESB-þingsins hefur „samúð“ með umsóknum hans

Skýrt var frá því að morgni þriðjudags 2. júlí að Edward Snowden, uppljóstrari frá Bandaríkjunum, staddur á „transit“-svæði Moskvuflugvallar hefði sent beiðni um hæli til 21 lands til að skjóta sér undan bandarískri réttvísi. Strax sama dag höfnuðu mörg ríki tilmælum hans. AFP-fréttastofan segir að...

Eurostat: Atvinnuleysi á Spáni nú meira en í Grikklandi

Nýjar tölur Eurostat um atvinnuleysi á evru­svæðinu í mai sýna, að atvinnuleysi á Spáni er nú meira en í Grikklandi að því er fram kemur í spænska dagblaðinu El País.

Irish Times: Svörin um bankahrunið í gögnum í fjármála­ráðuneyti og Seðlabanka

Irish Times segir að svörin við spurningum, sem vakni vegna upptöku á símtali tveggja bankamanna á Írlandi, sem birt hefur verið og vakið mikla reiði bæði á Írlandi og í Þýzkalandi kunni að liggja í gögnum í fjármála­ráðuneytinu á Írlandi svo og í Seðlabanka Írlands.

Snowden sækir um hæli í 19 löndum-Noregur, Finnland og Írland þeirra á meðal

Edward Snowden hefur nú sótt um hæli í 19 löndum tll viðbótar við Ekvador að því er fram kemur í fjölmiðlum í morgun. Þar segir reyndar að hann hafi áður sótt um hæli á Íslandi líka.