Þriðjudagurinn 3. september 2013

St. Pétursborg: Safn­stjóri handtekinn vegna málverks af Pútín forseta

Rússneska lög­reglan hefur handtekið Tatjönu Titovu, safn­stjórna í St. Pétursborg, vegna málverks af Vladimír Pútín Rússlandsforseta í safninu – hann er þar klæddur í kvenundirföt. Lög­regla gerði húsrannsókn í safninu í síðustu viku þegar fréttir bárust af málverkinu af Pútín. Nú hefur Titova safn­stjóri verið handtekin, tvisvar sinnum.

Aðdáendur raf-vindlinga hefja baráttu gagnvart ESB-þingmönnum - vilja frjálsan aðgang að vörunni

Framleiðendur og notendur rafrænna vindlinga hófu þriðjudaginn 3. september stríð á hendur ESB vegna áforma um að flokka vöruna sem lækningavarning. Þeir telja ákvörðun í þá veru vega að almannaheill og heilbrigði. Að því dregur að greidd verði atkvæði á ESB-þinginu um tillögu að nýjum reglum gegn ...

Finnska þjóðar­gersemin Nokia seld að hluta til Microsoft - hluta­bréfin hækkuðu um 47%

Finnskir fjölmiðlar fara hamförum vegna kaupa Microsoft á „þjóðar­dýrgripnum“ Nokia. Sé litið á vefsíðu stærsta dagsblaðs Finnlands, Helsingin Sanomat, má sjá að tíu fyrstu fréttirnar eru um Nokia-söluna. Sömu sögu er að segja um vefsíðu Ilta-Sanomar, þar eru átta fréttir um Nokia og ein um að Madeleine Svíaprinsessa eigi von á barni.

Moskva: Pútín skýrt frá tveimur eldflaugaskotum í Miðjarðarhafi með stefnu á Sýrland

Vefmiðill í Moskvu, The Moscow News, birti frétt upp úr kl. níu að íslenzkum tíma þess efnis, að tveimur eldflaugum hefði verið skotið frá skotstað í Miðjarðarhafi með stefnu á Sýrland. Varnarmála­ráðherra Rússlands Sergei Shoigu skýrði Pútín forseta frá þessu. Rússneskt aðvörunarkerfi varð eldflauganna vart, segir vefmiðillinn.

Sýrland: Um 2 milljónir hafa flúið landið-þar af helmingur börn og unglingar

Flóttamenn frá Sýrlandi eru nú 2 milljónir skv. upplýsingum, sem Flóttamanna­stofnun Sameinuðu þjóðanna hefur sent frá sér. Um helmingur þeirra eru börn og unglingar undir 17 ára aldri. Um 97% þeirra hafa farið til Líbanon, Íraks, Jórdaníu og Tyrklands. Til Evrópu­landa hafa komist um 46 þúsund flóttamenn.

Grikkland: Kínverjar og Rússar áhugasamir um eignir

Kínverjar og Rússar sýna eignum í Grikklandi vaxandi áhuga að því er fram kemur í gríska vefmiðlinum ekathimerini. Þeir sýna áhuga á fasteignum í Aþenu og á eyjunum Rhodes, Krít og Korfú. Ein af ástæðunum er lagaákvæði sem tryggir þeim 5 ára dvalarleyfi ef þeir fjárfesta fyrir að lágmarki 250 þúsund evrur.