Föstudagurinn 22. nóvember 2013

Háskólinn í Nikósíu tekur við Bitcoin við greiðslu skóla­gjalda

Unnt er að greiða skóla­gjald í háskóla á Kýpur með rafrænu myntinni Bitcoin. Er þetta fyrsta mennta­stofnun í heimi sem viðurkennir Bitcoin sem gjaldmiðil á þennan hátt. Bitcoin hefur dregið að sér vaxandi athygli undanfarna mánuði og æ víðar er litið á þessa rafmynt sem lögmætan gjaldmiðil.

Rússar sleppa grænfriðungum gegn tryggingu

Rússnesk yfirvöld hafa sleppt 24 af 30 manna áhöfn á skipi Greenpeace Arctic Sunrise. Fólkið hefur setið í fangelsi í Múrmansk og St. Pétursborg í rúma tvo mánuði.

Yulia Tímósjenkó hvetur til mótmæla á götum úti – segir forseta Úkraínu hafa gert mestu mistök ævi sinnar

Yulia Tímósjenkó, fyrrverandi forsætis­ráðherra Úkraínu, sem nú situr í fangelsi hvatti stuðningsmenn sína föstudaginn 22. nóvember til að fara á götur út og mótmæla ákvörðun ríkis­stjórnar landsins um að skrifa ekki undir samstarfs- og viðskiptasamning við Evrópu­sambandið. Hún sagði einnig að erk...

Aðilar vinnu­markaðarins semja við Alþjóða­mála­stofnun HÍ um ESB-úttekt og skýrslu - stefnt að verklokum á fimm mánuðum

Alþýðu­samband Íslands, Félag atvinnurekenda, Samtök atvinnulífsins og Viðskiptaráð Íslands hafa undirritað samning við Alþjóða­mála­stofnun Háskóla Íslands um rit­stjórn og umsjón úttektar á aðildarviðræðum við Evrópu­sambandið, þróun ESB og valkostum í efnahagsmálum.

Úkraína: Stöðvun á lánveitingum frá AGS og ESB?

Ráðamenn í Brussel og Washington hafa varað Úkraínumenn við og sagt þeim að þeir geti ekki búizt við lánveitingum frá Alþjóða gjaldeyris­sjóðnum eftir að þeir hurfu frá því að undirrita samninga við Evrópu­sambandið. Frá þessu segir euobserver. Þar kemur einnig fram að lán til Úkraínu að upphæð 610 milljónir evra frá ESB verði sett í bið.

Portúgal: Nokkur þúsund lög­reglumenn brutust í gegnum fylkingu óeirðarlög­reglu

Nokkur þúsund lög­reglumanna í Portúgal, sem ekki voru á vakt söfnuðust í gær saman fyrir utan þinghúsið í Lissabon til þess að mótmæla aðhaldsaðgerðum stjórnvalda og mikilli lækkun launa og lífeyris. Lög­reglumennirnir brutust í gegnum fylkingu óeirðarlög­reglu og komust alveg að þinghúsinu þar sem þeir sungu þjóðsöng Portúgals.

Múrmansk miðstöð siglinga skemmtiferðaskipa

Murmansk vill verða miðstöð siglinga skemmtiferðaskipa um Norðurskauts­svæðið að því er framn kemur á Barents Observer. Hafinn er undirbúningur að breytingum á höfninni í Múrmansk í þessu skyni. Ætlunin er að taka nýja aðstöðu í notkun fyrir næsta sumar. Þá stendur til að endurnýja járnbrautarstöðina í Múrmansk.

Samaras hittir Merkel í dag-Grikkir geta ekki meir

Antonis Samaras, forsætis­ráðherra Grikklands fer til fundar við Angelu Merkel, kanslara Þýzkalands í dag. Gríski vefmiðillinn ekathimerini segir að Samaras muni á fundinum undirstrika þann árangur, sem Grikkir hafi náð í efnahagsmálum en jafnframt útskýra fyrir kanslaranum að ómögulegt sé fyrir grísk stjórnvöld að leggja meira aðhald á þjóðina í ljósi þeirrar spennu sem þar ríki.