Fimmtudagurinn 28. nóvember 2013

Norðmenn og ESB samræma sjónarmið um makríl

Elisabeth Aspaker, sjávar­útvegs­ráðherra Noregs, hitti Mariu Damanaki, sjávar­útvegs­stjóra ESB, fyrr í vikunni og ræddu þær hvernig staðið skyldi að frekari viðræðum við Færeyinga og Íslendinga um makrílveiðar og skiptingu makrílkvótans. „Fulltrúar Noregs og ESB munu halda áfram að samræma stefnu sína í makrílviðræðunum,“ sagði Aspaker eftir fundinn.

Sjávar­útvegs­nefnd ESB samþykkir nýjan fiskveiðisamning við Marokkó

Sjávar­útvegs­nefnd ESB-þingsins hefur samþykkt heimild til framkvæmda­stjórnar ESB til að gera fiskveiðisamning við Marokkó. Gagnrýnendur samningsins segja að hann brjóti í bága við þjóðarétt. Fyrir tveimur árum hafnaði ESB-þingið óvænt umdeildum fiskveiðisamningi ESB við Marokkó. Á þeim tíma sem síðan er liðinn hafa engin skip frá ESB-ríkjum stundað veiðar undan ströndum Norður-Afríku.

Tímósjenkó vill fórna frelsi sínu fyrir ESB-samning

Yulia Tímósjenkó, fyrrverandi forsætis­ráðherra Úkraínu, hefur sent frá sér yfirlýsingu vegna leiðtogafundar ríkja ESB og fyrrverandi Sovétlýðvelda í Vilníus, höfuðborg Litháens, og hvatt ESB-leiðtoga til að láta af kröfum um að hún fái að leita sér lækninga í Þýskalandi megi það verða til þess að Vi...

Þýzkaland: Útgjaldaáform nýrrar ríkis­stjórnar gagnrýnd-reiknum rétt segir Schauble

Þjóðverjar hafa ekki efni á þeirri eyðslu, sem felst í nýjum málefnasamningi Kristilegra demókrata og jafnaðarmanna að mati formanns ráðs sér­fræðinga í efnahagsmálum, Christoph Schmidt. Málefnasamningurinn gerir ráð fyrir aukinni eyðslu sem nemur 23 milljörðum evra á næstu fjórum árum.

David Cameron: Takmarkanir á réttindi innflytjenda-gagnrýni frá ESB-stuðningur frá Berlín og París

David Cameron, forsætis­ráðherra Breta skrifaði grein í Financial Times í gær, þar sem hann segir að ríkis­stjórn sín muni setja ákveðnar kvaðir á innflytjendur til Bretlands. Þeir muni ekki fá greiðslur úr brezka velferðarkerfinu fyrr en eftir þriggja mánaða dvöl í landinu. Þurfi ríkisborgari í ESB-ríki á slíkum greiðslum að halda muni þær ekki verða inntar af hendi án tímatakmarkana.

Forsætis­ráðherra Spánar: Skotlandi umsvifalaust vísað úr ESB verði sjálfstæði samþykkt

Mariano Rajoy, forsætis­ráðherra Spánar, sagði á blaðamannafundi í Madrid í gær, þar sem hann var með Francois Hollande, forseta Frakklands, að Skotlandi yrði umsvifalaust vísað úr Evrópu­sambandinu ef sjálfstæði yrði samþykkt í þjóðar­atkvæða­greiðslu í september.