Miðvikudagurinn 15. janúar 2014

Frakkland: Gleði meðal atvinnurekenda vegna nýrrar stefnu Frakklandsforseta - upp­nefndur François Blair af vinstrisinnum

Forystumenn í viðskiptalífi, fjármálamenn, Þjóðverjar og jafnvel svarnir andstæðingar François Hollandes á heimavelli í frönskum stjórnmálum fagna yfirlýsingum Frakklandsforseta á blaðamannafundi þriðjudaginn 14. janúar um að hann ætli að létta álögum af fyrirtækjum og skera niður ríkisútgjöld til a...

Fjármála­ráðherra Breta: Evrópu­sambandið verður að breytast eða Bretar fara - valið er skýrt milli umbóta eða hnignunar

Verði ekki gerðar breytingar á Evrópu­sambandinu kunna Bretar að neyðast til að segja sig úr því sagði George Osborne, fjármála­ráðherra Breta, á ráð­stefnu hugveitunnar Open Europe og hreyfingarinnar Fresh Start miðvikudaginn 15. janúar. Hann sagði að óhjákvæmilegt væri að gæta réttar ESB-ríkja án evr...

Erna Solberg ætlar ekki að mæla með EES-aðild við David Cameron - telur hana ekki falla að stórveldisviðhorfi Breta

Erna Solberg, forsætis­ráðherra Noregs, segist ekki ætla að mæla með því við David Cameron, forsætis­ráðherra Bretlands, að Bretar gangi úr Evrópu­sambandinu og gerist aðilar að evrópska efnahags­svæðinu þegar þau hittast á fundi í London miðvikudaginn 15. janúar. „Ég er ekki þeirrar skoðunar að Stóra-...

Skotland: Hagvöxtur jókst um 0,7% á þriðja fjórðungi 2013

Hagvöxtur í Skotlandi jókst um 0,7% á þriðja fjórðungi síðasta árs að því er fram kemur í The Scotsman í dag. Vöxturinn er í verklegum framkvæmdum, framleiðslu og þjónustu. Skozki fjármála­ráðherrann, John Swinney, segir að efnahagsleg endurreisn sé að ná sér á strik í Skotlandi.

Ungverjaland: Rússar lána Ungverjum 10 milljarða evra til endurnýjunar á kjarnorkuveri

Rússar ætla að lána Ungverjum 10 milljarða evra til þess að endurnýja eina kjarnorkuverið í Ungverjalandi. Financial Times segir að þetta sé enn ein vísbending um aðgerðir Rússa til þess að endurreisa áhrif sín í austurhluta Evrópu. Í síðasta mánuði var tilkynnt að Rússar mundu lána Úkraínu 15 milljarða evra auk þess að lækka gasverð til landsins.

Þýzkaland: Hagvöxtur síðasta árs veldur vonbrigðum

Nýjar tölur um hagvöxt í Þýzkalandi á síðasta ári valda vonbrigðum að sögn Financial Times. Þær benda til þess að hagvöxtur í stærsta efnahagskerfi Evrópu hafi einungis numið 0,4% á síðasta ári, sem blaðið segir að sýni áhrif samdráttar í öðrum ESB-ríkjum á efnahag Þjóðverja.

Alþjóða­bankinn: Minnkandi fjárstreymi frá seðlabönkum hefur alvarleg áhrif í þróunarlöndum

Alþjóða­bankinn hefur áhyggjur af því að minnkandi fjárstreymi frá seðlabönkum út á markaði í þróuðum ríkjum heims geti þýtt að fjárstreymi til þróunarlandanna geti minnkað um 80%, valdið miklu tjóni í sumum þeirra og efnahagskreppu í öðrum. Þetta kemur fram í rannsókn hag­fræðinga Alþjóða­bankans, sem Financial Times segir frá.

George Osborne: Evrópa á tveggja kosta völ-umbætur eða hnignun

George Osborne, fjármála­ráðherra Breta segir að Evrópu­sambandið verði að stöðva efnahagslega hnignun meginlandsins með því að styðja við bakið á fyrirtækjum og skera niður velferðarútgjöld, eigi Bretland að vera áfram aðili að því. Hann segir frammistöðu ESB í efnahagsmálum óviðunandi og það þurfi verulegar framfarir til að Bretar geti haldið áfram þátttöku.

Keppni um oddvita EPP-flokksins á ESB-þinginu harðnar

Michel Barnier, sem fer með málefni innri markaðarins í framkvæmda­stjórn ESB, hefur lýst framboði sínu til oddvitasætis á framboðslista mið-hægri­flokksins, EPP, til ESB-þingsins í maí. Ákvörðun um frambjóðanda EPP verður tekin í mars. Jean-Claude Juncker, fyrrverandi forsætis­ráðherra Lúxemborgar, hefur einnig áhuga á EPP-oddvitasætinu. EPP er stærsti þingfokkurinn á því ESB-þingi sem nú situr.