Miðvikudagurinn 22. janúar 2014

Átök harðna í Kíev - þrír fallnir í valinn

Viktor Janúkóvitsj, forseti Úkraínu, hitti forystumenn mótmælenda í Kíev miðvikudaginn 22. janúar. Vitalíj Klitsjkó, einn af forystumönnum mótmælenda, sagði eftir fundinn að ekki hefði náðst samkomulag á fundinum. „Við verðum að gera allt í okkar valdi til að koma í veg fyrir [að lög­reglan ýti ok...

Í Davos ætla áhrifamenn að ræða um leiðir gegn ójöfnuði - um 1% auðugustu einstaklinga heims eiga helming allra auðæfa jarðarbúa

Fundir undir merkjum Word Economic Forum eru að hefjast í Davos í Sviss. Þangað koma stjórnmálamenn og fjársýslumenn og bera saman bækur sínar. Í tilefni af fundunum flutti sendiboði Frans páfa þátttakendum þann boðskap að þeir ættu að leggja sig fram um að draga úr ójöfnuði í heiminum. „Ég bið ykkur að tryggja að auðæfi þjóni mannkyni en stjórni því ekki,“ sagði í páfaboðskapnum.

Bretland: Beitt málþófsaðferðum gegn frumvarpi um ESB-þjóðar­atkvæða­greiðslu - 56 breytingartillögur við 6 greina frumvarp

Lávarða­deild breska þingsins fjallar nú um frumvarp til laga frá þingmönnum Íhalds­flokksins um að skylt verði að efna til þjóðar­atkvæða­greiðslu um aðild Bretlands að ESB á árinu 2017. Í nefnd deildarinnar hafa verið lagðar fram 56 breytingatillögur við frumvarpið. Tilgangur flutningsmanna er að tefj...

Holland: Meirihluti þingmanna styður óskuldbindandi þjóðar­atkvæða­greiðslu um ESB

Í hollenska blaðinu de Volkskrant er sagt frá því miðvikudaginn 22. janúar að daginn áður hafi meirihluti hollenskra þingmanna stutt hugmynd um að efna til þjóðar­atkvæða­greiðslu um ESB-málefni. Þetta kom fram í umræðum sem urðu á þingi vegna baráttu meðal almennings sem leiddi til þess að 63.000 man...

Danmörk dýrasta landið í ESB

Danmörk er dýrasta landið innan Evrópu­sambandsins. Þetta kemur fram í nýjum tölum frá hagstofu Írlands. Næst í röðinni eru Finnland, Svíþjóð og Lúxemborg. Frá þessu segir euobserver.

Tromsö: Finnskt vinnuafl eftirsótt í Norður-Noregi

Það vantar fólk til starfa í Norður-Noregi en í Finnlandi er atvinnulaust fólk, sem kann vel til verka á norðlægum slóðum. Þetta hefur komið fram á ráð­stefnunni um Norðurslóðir í Tromsö í Noregi að því er fram kemur á Barents Observer. Nú er unnið að því að auðvelda fólki frá Finnlandi að koma til Norður-Noregs og leita eftir vinnu.

Grikkland: Ný könnun sýnir SYRIZA með mest fylgi

Ný könnun sem birt var í Grikklandi í morgun staðfestir könnun, sem birt var fyrir nokkrum dögum og sýnir að SYRIZA, bandalag vinstri manna er stærsti flokkur landsins með 31,5% fylgi. Nýi lýðræðis­flokkurinn, flokkur Samaras, forsætis­ráðherra er í öðru sæti með 28% fylgi og Gullin Dögun, nýnazista­flokkur er með 10% fylgi og þar með þriðji stærsti flokkurinn.