« 22. janúar |
■ 23. janúar 2014 |
» 24. janúar |
Hvalkjöt gert upptækt á Grüne Woche í Berlín
Þýskir tollverðir gerðu ólöglegt norskt hvalkjöt upptækt á Grüne Woche matvælasýningunni í Berlín miðvikudaginn 22. janúar. Um var að ræða þrjú kíló af hrefnukjöti á norsku sýningarborði. Hvalfriðunarsinnar og dagblaðið BZ létu yfirvöld vita af kjötinu. Sala á hvalkjöti er bönnuð í Þýskalandi. Svo...
Væntanlegur sendiherra Bandaríkjanna á Íslandi sagði við utanríkismálanefnd öldungadeildar Bandaríkjanna að þrátt fyrir brottför varnarliðsins skipti Ísland miklu fyrir heildaröryggi Bandaríkjanna eins og sjá mætti af ratsjárstöðvum NATO í landinu. Þá hefði íslenska lögreglan unnið að því með bandarískum lögregluyfirvöldum að brjóta upp alþjóðlegan fíkniefnahring.
Framkvæmdastjórn ESB undirbýr málsókn á hendur ríkisstjórn Möltu til að hnekkja ákvörðun hennar um að selja erlendum mönnum utan ESB vegabréf og þar með ríkisborgararétt á Möltu og innan ESB/EES-svæðisins. Efasemdir eru um heimild til slíks málatilbúnaðar af hálfu ESB þar sem ákvörðun um ríkisborgararétt sé sérmál hvers aðildarríkis en ekki sameiginlegt eða yfirþjóðlegt málefni.
Eldar loga í víggirðingum á milli mótmælenda og lögreglu í Kiev fimmtudaginn 23. janúar á meðan talsmenn mótmælenda sitja að nýju fund með Viktor Janúsjenkó, forseta Úkraínu, í leit að friðsamlegri lausn á deilum sem magnast hafa á götum úti í tæpa tvo mánuði. Vopnahlé ríkir fram til klukkan 18.00 í...
Nýr sendiherra Bandaríkjanna í Noregi opinberar þekkingarleysi sitt
Nýr bandarískur sendiherra í Noregi, sem kom fyrir þingnefnd í öldungadeild Bandaríkjaþings, George Tsunis að nafni af grískum ættum vakti athygli fyrir þekkingarleysi á Noregi. John McCain, öldungadeildarþingmaður spurði sendiherrann hvað hann segði um Framfaraflokkinn norska, sem nú á aðild að ríkisstjórn landsins.
Þýzkaland: Bæjaraland samþykkir útgáfu Mein Kampf með athugasemdum
Bæjaraland, sem er sérstakt fylki í Sambandslýðveldinu Þýzkalandi á útgáfuréttinn að Mein Kamp, hinu þekkta riti Adolfs Hitlers vegna þess að hann átti lögheimili þar þegar hann dó. Útgáfurétturinn rennur út á næsta ári.
Davos hefur áhyggjur af uppgangi hægri flokka
Elítan í Davos óttast framgang hægri flokka í kosningum til Evrópuþingsins í vor að sögn euobserver. Vefmiðillinn segir að þetta fólk telji að uppgangur hægri flokka geti leitt til þess að erfiðara verði að stjórna.
Olli Rehn: Það tekur 10 ár að leysa efnahagskreppuna á Spáni
Olli Rehn, sem sæti á í framkvæmdastjórn Evrópusambandsins og fer með efnahagsmál, segir í samtali við spænska dagblaðið El País að það muni taka 10 ár að leysa efnahagskreppuna á Spáni.
Varnaðarorð frá Brussel um vaxandi atvinnuleysi, fátækt og félagslegan ójöfnuð vegna evrunnar
Frá því að íslensk stjórnvöld gripu til róttækra efnahagsráðstafana haustið 2008 með lækkun gengis samhliða þjóðnýtingu á lífvænlegum hluta bankakerfisins hafa ýmsir erlendir hagfræðingar bent á þessa leið sjálfstæðs Evrópuríkis utan ESB sem vænlegri kost en þá aðferð sem beitt hefur verið innan ESB...
Það má búast við mikil hreyfing verði á fylgi flokka á vinstri væng stjórnmálanna í könnunum fram að sveitarstjórnarkosningum. Þar ríkir sannkallaður glundroði en ekki er ólíklegt að sá flokkanna eða framboða á vinstri kantinum sem nær beztum árangri í borgarstjórnarkosningum í Reykjavík í vor festi sig í sessi sem forystuafl til vinstri. Það er óbreytt staða hjá Samfylkingunni.