Mánudagurinn 24. febrúar 2014

Samtök atvinnulífsins þverklofin í ESB-málinu

Samtök atvinnulífsins eru þverklofin í afstöðu sinni til stöðunnar í ESB-málum um þessar mundir. 38,1% aðildarfyrirtækja Samtaka atvinnulífsins vilja slíta aðildarviðræðum við Evrópu­sambandið en 55,8% eru því andvíg. 6,1% tóku ekki afstöðu. Þetta sýna niðurstöður könnunar sem SA gerði á meðal aðildarfyrirtækja.

Læknaritið The Lancet: Evru-kreppan hefur leitt til „hamfara“ í grískum heilbrigðismálum - malaría aftur komin til landsins

Tæp ein milljón Grikkja er án sjúkratrygginga, útlægir sjúkdómar láta að sér kveða að nýju og æ fleiri stytta sér aldur.

Úkraína: Skipun um að handtaka Janúkóvitsj - Rússar reiðir - ESB ætlar að bjarga frá gjaldþroti

Bráðabirgða­stjórn situr við völd í Úkraínu eftir að þing landsins setti Viktor Janúkóvitsj forseta af laugardaginn 22. febrúar. Áður hafði forsetinn yfirgefið Kænugarð, og haldið til austurhluta landsins. Mánudaginn 24. febrúar tilkynnti Arsen Ajakov, starfandi innanríkis­ráðherra, að gefin hefði ver...

Noregur: Leyniþjónustan telur vaxandi hættu á hryðjuverkum

Norska leyniþjónustan telur að vaxandi hætta sé á hryðjuverkum í Noregi. Ástæðan er sú, að herskáir islamistar, sem eru fæddir og uppaldir í Noregi snúi heim eftir þátttöku í borgarastyrjöldinni í Sýrlandi. Í nýrri skýrslu leyniþjónustunnar, sem birt var í morgun kemur fram að milli 40 og 50 norskir ríkisborgarar hafi tekið þátt í stríðinu í Sýrlandi síðustu tvö ár.

FT: Evrópsk fyrirtæki koma „haltrandi“ út úr samdrættinum

Evrópsk fyrirtæki koma „haltrandi“ út úr samdrættinum, segir Financial Times. Uppsveiflan er hægari en hún hefur verið eftir samdráttarskeið í síðustu 30-40 ár. Þetta sýna tölur um hagnað fyrirtækja á síðasta ári, sem nú eru að birtast.

Guardian: 11 milljónir íbúða í Evrópu tómar-heimilislausir 4,1 milljón

Yfir 11 milljónir íbúða standa tómar í Evrópu á sama tíma og milljónir leita að húsaskjóli að sögn brezka blaðsins Guardian. Í Bretlandi einu eru um 700 þúsund íbúðir tómar. Á Spáni eru 3,4 milljónir íbúða tómar, Í Frakklandi og á Ítalíu um 2 milljónir í hvoru landi um sig, 1,8 milljónir í Þýzkalandi. Á Írlandi, Grikklandi og í Portúgal er líka mikill fjöldi íbúða tómur.