Laugardagurinn 12. apríl 2014
| « 11. apríl |
■ 12. apríl 2014 |
» 13. apríl |
Úkraína: Vopnaðir Rússavinir og aðskilnaðarsinnar leggja undir sig fleiri lögreglustöðvar
Vopnaðir menn hafa enn lagt undir sig tvær lögreglustöðvar í austurhluta Úkraínu samhliða því sem Rússavinir og aðskilnaðarsinnar halda áfram mótmælaaðgerðum. Þeir hafa hótanir um valdbeitingu af hálfu starfstjórnarinnar í Kænugarði að engu.
Dómur Alþjóðadómstólsins í Haag um bann við hvalveiðum Japana á suðurhveli jarðar frá 31. mars 2014 kann að hafa valdið létti meðal japanskra stjórnmálamanna segir í blaðinu The Japan Times laugardaginn 12. apríl. Blaðið segir að skort hafi fjármagn til að halda úti veiðum við Suðurskautslandið og...
London: 20 milljarða punda fall á hlutabréfum í gær-fjárfestar óttast að ný netbóla sé að springa
Ótti við nýtt verðfall á hlutabréfum í netfyrirtækjum og samskiptamiðlum þurrkaði 20 milljarða punda í verðmætum út af hlutabréfamarkaðnum í London í gær að því er fram kemur í Daily Telegraph. Blaðið segir fjárfesta hrædda við að þeir lokist inn í netbólu sem sé að springa. Verðfallið kom í kjölfar hruns á Nasdaq í fyrradag. Það verðfall hélt áfram í gær.
Blekkingarleikur í skjóli Alþjóðamálastofnunar
Þorsteinn Pálsson sat í viðræðunefnd Íslands við Evrópusambandið að ósk Össurar Skarphéðinssonar utanríkisráðherra. Nefndin átti að ljúka störfum á 18 mánuðum og síðan skyldi niðurstaða hennar lögð fyrir þjóðina.
Áhyggjur Bjartrar Framtíðar og Samfylkingar
Vangaveltur um stofnun aðildarsinnað flokks á hægri væng stjórnmálanna valda meiri áhyggjum í Bjartri Framtíð og Samfylkingu en Sjálfstæðisflokknum. Ástæðan er sú að forráðamönnum þessara tveggja flokka er ljóst að slíkur flokkur gæti náð meira fylgi frá þeim en frá Sjálfstæðisflokknum.