Miðvikudagurinn 29. október 2014

Svíþjóð: Mælt með NATO-aðild í opinberri skýrslu - rauðgræna ríkis­stjórnin hafnar þeirri leið

Samstarf Svía við Finna er til þess fallið að styrkja varnir Svíþjóðar en leysir ekki vanda þjóðar­innar í varnar- og öryggismálum. Í ljósi þess að hættan á hernaðarátökum eykst eiga Svíar og Finnar að huga að aðild að NATO til að njóta öryggistryggingar­innar sem hún veitir.

Tap á rekstri Deutsche Bank-málssóknir úr mörgum áttum

Deutsche Bank tilkynnti í morgun að bankinn hefði verið rekinn með 92 milljóna evra tapi á þriðja fjórðungi þessa árs. Meginástæðan er sú að bankinn hefur aukið varúðarfærslur vegna sekta og annars lagalegs kostnaður úr 2,2 miljörðum evra á öðrum fjórðungi í 3 milljarða evra á þeim þriðja. Sótt er að Deutsche Bank úr mörgum áttum.