Miðvikudagurinn 31. desember 2014

Danmörk: Nýársávarp drottningar færist nær þjóðinni

Athugun danskra sér­fræðinga leiðir í ljós að Margrét Dana­drottning hefur dregið úr notkun orðsins Danmörk í nýársávarpi sínu og notar þess í stað meira orðið „samfund“ eða sam­félag. Þessi breyting hefur orðið á síðasta áratug, áður var Danmörk það orð sem oftast kom fyrir í ávarpi drottningar.

Schauble sendir Grikkjum aðvörun

Wolfgang Schauble, fjármála­ráðherra Þýzkalands, áminnti Grikki í fyrradag, mánudag, um að þeir yrðu að standa við gerða samninga við lánardrottna sína á alþjóða vettvangi um aðhald, hverjir svo sem komi að stjórn Grikklands í kjölfar þingkosninga síðari hluta janúarmánaðar. Schauble segir að aðhalds­stefnan sé byrjuð að skila árangri og enginn annar kostur sé til staðar.