Sunnudagurinn 26. maí 2013

Evrópa í upplausn-hvað er orðið um stöðugleikann sem Samfylkingin taldi svo eftirsóknarverðan?


16. júní 2012 klukkan 10:47
NASA
Gervitunglamynd af Norður-Evrópu.

Haustið 2008 og veturinn 2009 héldu talsmenn aðildar Íslands að Evrópusambandinu því fram, að aðild að Evrópusambandinu og upptaka evru væru nauðsynleg til að tryggja stöðugleika í efnahagsmálum á Íslandi í kjölfar bankahrunsins.

Nú er svo komið að Reuters-fréttastofan heldur því fram í morgun að um allan heim séu áhrifamenn komnir á þá skoðun, að Evrópa sé sá heimshluti, þar sem minnstur stöðugleiki ríki og mest óvissa. Um þetta má lesa stutta frásögn á Evrópuvaktinni í dag og ítarlegri umfjöllun á vef Reuters (reuters.com).

Hvað er eftir af röksemdum fyrir inngöngu Íslands í ESB? Ekkert!

Og þetta er auðvitað ástæðan fyrir því að svonefndir já-sinnar láta ekkert í sér heyra eins og bent er á í Reykjavíkurbréfi Morgunblaðsins í dag.

Nú er svo komið að Gordon Brown telur skort á stöðugleika svo mikinn á evrusvæðinu að alveg eins líklegt sé að bæði Frakkland og Ítalía þurfi á aðstoð að halda. Og Alþjóða gjaldeyrissjóðurinn hefur komizt að þeirri niðurstöðu, að Írar geti tæplega farið á markað 2013 eða 2014 eins og stefnt var að, ekki vegna eigin verka heldur vegna ástandsins á evrusvæðinu og skorti á stöðugleika þar.

Hvað er nú orðið um stöðugleikann á evrusvæðinu, sem Samfylkingin taldi svo eftirsóknarverðan haustið 2008 og veturinn 2009?!

SG

 
Senda með tölvupósti  Senda á Facebook  Senda á Twitter  Vista sem pdf  Prenta

Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.

 
 
Eftir Harald Benediktsson Pistill

ESB-aðlögun: Virka peningarnir?

Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.

 
Mest lesið
Fleira í stjórnmálavaktinni

Svíþjóð: „Þetta er ekki skipulagður aðskilnaður en...“

Ólætin í úthverfum Stokkhólms hafa vakið meiri athygli fjölmiðla í öðrum löndum en hér. Þó mætti ætla að þessir atburðir vektu athygli hér vegna þess að við erum nákomnari öðrum Norðurlandaþjóðum en flestum öðum þjóðum. Það tók fjölmiðla hér nokkra daga að átta sig á að eitthvað væri að gerast í Svíþjóð. Þessi ólæti (óeirðir eru of sterkt orð) hafa nú staðið í bráðum eina viku.

VG: Katrín þakkar og lýsir árangri en gleymir að skýra úrslit þingkosninganna á

Katrín Jakobs­dóttir, formaður VG, sendi félögum sínum í flokknum þakkarkveðju í tilefni stjórnar­skiptanna fimmtudaginn 23. maí. Þar sagði hún ljóst að árangur ríkis­stjórnar Vinstri-grænna og Samfylkingar hefði verið „mikill“. Fyrst og fremst hefði náðst „gríðarlegur árangur í ríkisfjármálum án þess ...

Sumarfríin verða að bíða til næsta árs!

Viðbrögð við nýrri ríkis­stjórn Framsóknar­flokks og Sjálfstæðis­flokks hafa yfirleitt verið jákvæð og forystumenn stjórnar­andstöðunnar hafa sýnt hófsemd í ummælum sínum, sem er skynsamlegt hjá þeim. Segja má, að einu hnökrarnir, sem upp hafa komið snúi að umverfis­ráðuneytinu. Ráðstafanir varðandi það hafa vakið tortryggni.

Ný ríkis­stjórn fær mikinn meðbyr í upphafi

Fólkið í landinu bindur miklar vonir við nýja ríkis­stjórn og ekki er ólíklegt að stjórnar­sáttmáli stjórnar­flokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkis­stjórn hefur á seinni hluta kjörtímabils hennar verið eins og þungt farg á þjóðinni.

 
 
    Um Evrópuvaktina     RSS