Þjóðarskútan er á reki-það er enginn við stýrið
Stjórnmálastarfsemin á Íslandi er lömuð. Stjórnkerfið er lamað. Alþingi er óstarfhæft. Það mundi breyta miklu ef forystumenn ríkisstjórnarinnar gætu horfst í augu við þennan veruleika.
Aðildarumsóknin að Evrópusambandinu, sem er stærsta mál ríkisstjórnarinnar er sigld í strand.
Breytingar á stjórnarskránni eru tómt klúður.
Ríkisstjórnin gafst í gær upp við að koma fram breytingum á kvótakerfinu, sem hún vildi ná fram. Hækkun veiðileyfagjalds var ekki nema hluti af því. Ágreiningurinn stóð ekki um hvort ætti að hækka heldur hve mikið eins og m.a. má sjá af yfirlýsingum útgerðarmanna sjálfra um að þeir gætu greitt hærra gjald - bara ekki svona hátt gjald.
Steingrímur J. Sigfússon er að byrja að draga í land vegna aðildarumsóknarinnar af því að hann veit að ella bíður afhroð VG í næstu kosningum.
Jóhanna er að hætta en vill ekki staðfesta það fyrr en hún hefur tryggt kjör útvalins eftirmanns síns.
Forystumenn ríkisstjórnarinnar hafa tvo mánuði til að gera upp við sig hvort þau horfist í augu við þennan veruleika og efni til kosninga í haust.
Geri þau það ekki er ekki eftir neinu að bíða fyrir þá stjórnarsinna í báðum flokkum, sem eru uppgefnir á þessari stöðu að ganga til þess verks ásamt stjórnarandstöðu að knýja fram kosningar.
Þjóðarskútan er á reki-það er enginn við stýrið.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumVar Steingrímur J. samvinnuþýðari við Maríu?
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- FréttViðskiptaviðræður ESB og BNA: Harka hlaupin í deilur milli Barrosos og Hollandes vegna fyrirvara um menningarmál
- Frétt17. júní: Forsætisráðherra tekur upp hanskann fyrir forseta - segir ESB verða að sanna sig gagnvart Íslandi
- LeiðariBjartara yfir 17. júní
- FréttEinar K. Guðfinnsson, forseti alþingis, ræðir stöðu Íslendinga í samfélagi þjóðanna í hátíðarræðu
- FréttTvíhliða viðskiptaviðræður ESB og BNA formlega hafnar
- FréttFinnland: Meirihluti andvígur aðild að Atlantshafsbandalaginu
- FréttObama kemur til Berlínar í kvöld-fer ekki til Brussel
- ViðskiptavaktinÞýzkaland: Commerzbank fækkar starfsmönnum um 5000
Það þarf að gera úttekt á viðhorfum annarra þjóða til Íslands í hruninu 2008 - og síðan
Árni Páll Árnason, formaður Samfylkingarinnar er eitthvað viðkvæmur fyrir því, að Sigmundur Davíð Gunnlaugsson hafi verið gagnrýninn í garð sumra nágrannaþjóða okkar í 17. júní ræðu sinni. Af því tilefni segir Árni Páll í samtali við Fréttablaðið í dag: "Ég er sammála því að kröfur Breta og Holle...
Fjöldi ólíkra tungumála getur komið í veg fyrir stofnun Bandaríkja Evrópu
Hér á þessum vettvangi var vikið að því fyrir helgi, að staða Þýzkalands væri orðin að lykilatriði í umræðum í Evrópu um framtíð Evrópusambandsins og að það væri reyndar skoðun sumra fræðimanna, að staða þýzkumælandi fólks hefði verið kjarninn í öllum átökum í Evrópu öldum saman.
Deilur innan ESB-viðræðunefndar um fullveldi aþingis - nefndin leyst frá störfum
Málstaður ESB-aðildarsinnar varð undir í þingkosningunum 27. apríl 2013. ESB-flokkurinn, Samfylkingin, setti Evrópumet í fylgishruni. ESB-ríkisstjórninni var kastað út í hafsauga. Meirihluti nýkjörins þings hefur aðra afstöðu til ESB-málsins en meirihluti þess þings sem sat. Hinn nýi meirihluti hefu...
Snúast átökin í Evrópu um stöðu þýzkumælandi fólks?
Nú þegar gert hefur verið ótímabundið hlé á aðildarviðræðum við Evrópusambandið skapast kannski betri aðstæður til að ræða málefni þess í heild hér á Íslandi en verið hafa vegna þess þrýstings sem aðildarumsóknin og aðildarviðræður hafa sett á slíkar umræður fram að þessu.