Ólafur Ragnar leynir ekki andúð sinni á ESB-aðild - fer ekki framhjá neinum í Brussel
Í öllum fréttum erlendra fjölmiðla sem segja efnislega frá forsetakosningunum á Íslandi kemur fram að hinn afgerandi sigurvegari, Ólafur Ragnar Grímsson, sé andvígur aðild Íslands að Evrópusambandinu. Þá hefur hann áréttað að kosningum loknum að menn ættu að íhuga hvers vegna allar nágrannaþjóðir Íslendinga nema Finnar hafi sjálfstæða mynt, hvers vegna Grænlendingar sögðu skilið við ESB í þjóðaratkvæðagreiðslu 1985 og hvers vegna Norðmenn hafi tvisvar hafnað aðild að ESB.
Þessi orð lýsa miklum efasemdum nýkjörins forseta um að Íslendingar eigi erindi inn í ESB. Upptaka evrunnar var til skamms tíma að minnsta kosti helsta keppikefli þeirra sem berjast fyrir ESB-aðild Íslands.
Ekkert af þessu fer að sjálfsögðu fram hjá ráðamönnum í höfuðborgum ESB-ríkjanna. Þá átta embættismenn ESB sig á því að í sigri Ólafs Ragnars felst vantraust á stefnu ríkisstjórnar Íslands í ESB-málum. Til þessa hafa þeir sem að viðræðunum standa sótt huggun í skoðanakannanir sem sýna að íslenskur almenningur vilji leiða ESB-viðræðurnar til lykta áður en tekin sé afstaða til aðildar. Þetta vegi þyngra en yfirlýstur vilji meirihluta þjóðarinnar um að hafna ESB-aðild. Kjör Ólafs Ragnars verður að setja inn í þessa jöfnu og verður hún ekki til að ýta undir þá skoðun að aðildarviðræðurnar njóti hylli meirihluta þjóðarinnar.
Eftir kosningarnar sagði Ólafur Ragnar í samtali við fréttastofu ríkisútvarpsins:
„Ég ætla mér ekki að vera í forystu fyrir já- eða neihreyfingum. En ég tel hins vegar að sá sem hefur verið forseti Íslands í jafn langan tíma og ég hann hefur haft þau forréttindi að eiga samræður við fjölda forystumanna í Evrópu. Og það væri þess vegna óeðlilegt ef ég væri ekki tilbúinn til þess að deila þessari reynslu, þeim ályktunum og þessari þekkingu með þjóðinni vegna þess að hún hefur falið mér umboð til þess að gegna þessum störfum.“
Þarna þarf í raun ekki að lesa neitt á milli línanna. Ólafur Ragnar mun ekki hika við að blanda sér í umræður um ESB-aðildina. Hann mun leggja meirihluta þjóðarinnar lið og þess vegna nota 16 ára þekkingu sína til að mæla gegn aðild að ESB.
Bj. Bj.
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumRétt ákvörðun menntamálaráðherra í málefnum RÚV
- FréttÁstralía: Fékk höfuðhögg tók að tala ensku með frönskum hreim
- LeiðariGagnsæi í utanríkismálum
- Í pottinumVar Steingrímur J. samvinnuþýðari við Maríu?
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
- FréttNSA og FBI hafa hindrað rúmlega 50 tilraunir til hryðjuverka síðan 11. september 2001
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- LeiðariÞjóðhátíðarræðan og ESB
- FréttGrikkland: Leiðtogar stjórnarflokka funda síðdegis um ERT
- FréttForseti Kýpur fer fram á allsherjar endurskoðun björgunaraðgerða
Það þarf að gera úttekt á viðhorfum annarra þjóða til Íslands í hruninu 2008 - og síðan
Árni Páll Árnason, formaður Samfylkingarinnar er eitthvað viðkvæmur fyrir því, að Sigmundur Davíð Gunnlaugsson hafi verið gagnrýninn í garð sumra nágrannaþjóða okkar í 17. júní ræðu sinni. Af því tilefni segir Árni Páll í samtali við Fréttablaðið í dag: "Ég er sammála því að kröfur Breta og Holle...
Fjöldi ólíkra tungumála getur komið í veg fyrir stofnun Bandaríkja Evrópu
Hér á þessum vettvangi var vikið að því fyrir helgi, að staða Þýzkalands væri orðin að lykilatriði í umræðum í Evrópu um framtíð Evrópusambandsins og að það væri reyndar skoðun sumra fræðimanna, að staða þýzkumælandi fólks hefði verið kjarninn í öllum átökum í Evrópu öldum saman.
Deilur innan ESB-viðræðunefndar um fullveldi aþingis - nefndin leyst frá störfum
Málstaður ESB-aðildarsinnar varð undir í þingkosningunum 27. apríl 2013. ESB-flokkurinn, Samfylkingin, setti Evrópumet í fylgishruni. ESB-ríkisstjórninni var kastað út í hafsauga. Meirihluti nýkjörins þings hefur aðra afstöðu til ESB-málsins en meirihluti þess þings sem sat. Hinn nýi meirihluti hefu...
Snúast átökin í Evrópu um stöðu þýzkumælandi fólks?
Nú þegar gert hefur verið ótímabundið hlé á aðildarviðræðum við Evrópusambandið skapast kannski betri aðstæður til að ræða málefni þess í heild hér á Íslandi en verið hafa vegna þess þrýstings sem aðildarumsóknin og aðildarviðræður hafa sett á slíkar umræður fram að þessu.