Pólitískar forsendur til staðar fyrir samstarfi flokka í stjórnarskrármálinu
Eitt brýnasta verkefni stjórnmálaflokkanna um þessar mundir er að ná stjórnarskrármálinu út úr því öngstræti, sem það er komið í. Öllum hlýtur að vera ljóst og þá ekki sízt þeim, sem setu áttu í svonefndu stjórnarskrárráði, að þjóðaratkvæðagreiðsla í haust er ekki atkvæðagreiðsla þjóðarinnar um nýja stjórnarskrá heldur er hún beðin um að svara nokkrum spurningum, sem eiga að auðvelda smíði endanlegrar tillögu um nýja stjórnarskrá. Það heitir skoðanakönnun og ekkert við það að athuga, annað en að sjálfsagt er að kalla hlutina réttum nöfnum.
Það sem veldur því að þetta verkefni er svo brýnt er sú óvissa, sem með réttu má kalla stjórnskipunarkreppu, sem til er orðin vegna þess, að ekki er lengur samstaða um hvernig túlka beri ákvæði stjórnarskrárinnar. Slík samstaða var fyrir hendi en hvort sem mönnum líkar betur eða ver, er hún ekki lengur fyrir hendi.
Þetta á ekki sízt við um þau ákvæði stjórnarskrárinnar, sem snúa að forseta Íslands. Þá bætir ekki úr skák að forsetinn sjálfur hefur ýtt undir þessa óvissu. Það er mikilvægt að binda enda á hana með skýrum ákvæðum um stöðu forseta. En jafnframt hefur sú ábending komið fram í forystugrein í Morgunblaðinu, að forsætisráðherra, forseti Alþingis eða tiltekinn minnihluti Alþingis eigi að geta skotið ágreiningi um valdsvið forseta til Hæstaréttar.
Nú eru til staðar pólitískar forsendur fyrir því að samstaða geti orðið á milli flokkanna um að beina úrvinnslu þessara mála í ákveðinn farveg, þannig að þjóðin geti innan ekki of langs tíma tekið ákvörðun um nýja stjórnarskrá og þá m.a. til þeirra álitaefna, sem upp hafa komið um valdsvið forseta.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- StjórnmálavaktinUm Hróa Hött okkar tíma
- Í pottinumHin „strategíska“ spurning sem VG stendur frammi fyrir
- Í pottinumÞau fengu tækifæri og klúðruðu því
- FréttSpiegel: Það er að verða til „týnd kynslóð“ í Evrópu -Atvinnuleysi ungs fólks „koss dauðans“ fyrir evruna?
- FréttHæðst að skriffinnum ESB vegna ólívuolíunnar - sagt minna á bannið við bognum agúrkum
- FréttESB: Frakkar verða að breyta um stefnu eða sæta refsiaðgerðum ella segir fulltrúi Þýzkalands
- LeiðariFrakklandsforseti skellir skuldinni á ESB
- FréttFinnland: Verður rússneska opinbert tungumál minnihluta
- ViðskiptavaktinSala Vodafón dregst saman í Evrópu vegna efnahagslægðar
- Í pottinumMorgunblaðið sviptir hulunni af stjórnarmyndunarviðræðum
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.
Kosningar meðal Sama í Svíþjóð-réttur hreindýrahjarða eitt helzta kosningamálið
Í gær fóru fram í Svíþjóð kosningar til þings Sama, sem kemur fram fyrir hönd Sama í Svíþjóð. Slíkar kosningar fara fram á fjögurra ára fresti. Evrópuvaktin hefur ekki upplýsingar um hvort úrslit kosninganna liggja fyrir eða hver þau urðu. Hins vegar fjallar vefmiðillinn Alska Dispatch um þau málefni, sem brenna á Sömum í Svíþjóð um þessar mundir. Níu flokkar buðu fram í kosningunum.
Aðhaldsstefnan vekur upp siðferðilegar spurningar ekki síður en efnahagslegar
Siðferðileg álitamál verða æ ríkari þáttur í opinberum umræðum í Evrópu um evrukreppuna og afleiðingar hennar, svo sem aðhaldspólitíkina, sem Þjóðverjar hafa verið í forystu fyrir en verður stöðugt umdeildari. Reuters birtir nú í sérstökum skoðanadálki grein eftir mann að nafni Nicholas Wapshott, sem er einn af æðstu ráðamönnum Times í London.
Ummæli Charles Moore eru umhugsunarefni fyrir Árna Pál
Maður að nafni Charles Moore, skrifar reglulega dálka í brezka dagblaðið Daily Telegraph. Hann er fyrrum ritstjóri blaðsins og ritstýrði reyndar einnig tímaritinu Spectator um skeið. Hann er því innanbúðarmaður í Íhaldsflokknum og nú í apríl kom út fyrsta bindi ævisögu hans um Margréti Thatcher.