Samhljómurinn á milli vinstri og hægri nær ekki til forystu flokkanna-hvers vegna ekki?
Í frétt í Financial Times í dag um pólitíkina á Ítalíu er þeirri spurningu varpað fram, hvort hefðbundin skipting á milli hægri og vinstri sé að hverfa í evrópskum stjórnmálum og við taki skipting á milli þeirra, sem vilja stefna í átt til sameinaðrar Evrópu og hinna, sem vilji það ekki.
Þetta er áhugaverð spurning fyrir okkur Íslendinga vegna þess að vel má vera, að hún eigi líka við hér.
Það er athyglisvert hvað mikill samhljómur er með skoðunum margra Sjálfstæðismanna og Vinstri grænna.
Þessi samhljómur nær með afdráttalausum hætti til Evrópumála. Það er til staðar sterk málefnaleg samstaða á milli stórra hópa fólks í Sjálfstæðisflokknum og fjölmennra hópa hjá Vinstri grænum, þegar um er að ræða afstöðuna til aðildar Íslands að ESB. Þessi samhljómur nær líka til fjölmennra hópa í Framsóknarflokknum.
Grímsstaðamálið hefur leitt það sama í ljós, þótt það sé ekki með eins afgerandi hætti. En í grófum dráttum er það Samfylkingarfólk, sem vill selja eða leigja Kínverjum aðstöðu á norðausturhorni landsins en andstöðuna er að finna innan Sjálfstæðisflokks, VG og Framsóknarflokks. Þó er líklegt að innan Sjálfstæðisflokkins sé meiri stuðningur við að selja eða leigja Grímsstaði og þar með við sjónarmið Samfylkingarinnar í því máli heldur en til aðildar að ESB.
Þar spilar inn í sú afstaða margra Sjálfstæðismanna, að landið eigi að vera sem opnast fyrir erlendri fjárfestingu hvaðan sem hún kemur. (Sem er auðvitað barnaskapur!)
Að hluta til birtist þessi samhljómur milli vinstri og hægri líka í Magma-málinu, þótt í því máli væru augljóslega skiptari skoðanir innan Sjálfstæðisflokksins en t.d. í Grímsstaðamálinu.
Það er hægt að nefna fleiri dæmi um slíkan samhljóm en verður ekki gert að sinni.
Það má hins vegar velta því fyrir sér, hvort flokkskerfi stjórnmálaflokkanna gangi ekki í takt við þessa þróun í skoðunum fólks innan flokkanna. Hvort flokkskerfin eru um of bundin við pólitíska skiptingu og pólitísk átök 20. aldarinnar.
Og að í því sé fólgið það augljósa innanmein í íslenzkri pólitík um þessar mundir að hún er nánast lömuð, þar eru engar nýjar hugmyndir á ferð og þess vegna hjakkar samfélagið í sama farinu og kemst hvorki lönd né strönd.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumEr ekki alveg öruggt að VG styður stefnu ríkisstjórnarinnar gagnvart ESB?
- LeiðariEkkert uppnám i Evrópu-Hvað veldur Össur?
- FréttÍtalía: Beppe Grillo ætlar að knýja fram þjóðaratkvæðagreiðslu um ESB og evruna
- FréttDansmærin Ruby breytir framburði sínum í máli sem tengist Berlusconi
- Í pottinumNú þarf að moka flórinn, sem aðildarumsóknin skilur eftir
- FréttBarack Obama boðar nýja stefnu í baráttunni við hryðjuverkamenn - vill takmarka notkun dróna og þrengja vald CIA
- Í pottinumÓlundarlegir fráfarandi ráðherrar
- FréttOsló: Norsk stjórnvöld töldu aðild Íslands að ESB aldrei líklega - vænta aukins samstarfs til að styrkja stöðuna innan EES
- ViðskiptavaktinLandbúnaðurinn hefur gagnsókn á hendur verzluninni
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
VG: Katrín þakkar og lýsir árangri en gleymir að skýra úrslit þingkosninganna á
Katrín Jakobsdóttir, formaður VG, sendi félögum sínum í flokknum þakkarkveðju í tilefni stjórnarskiptanna fimmtudaginn 23. maí. Þar sagði hún ljóst að árangur ríkisstjórnar Vinstri-grænna og Samfylkingar hefði verið „mikill“. Fyrst og fremst hefði náðst „gríðarlegur árangur í ríkisfjármálum án þess ...
Sumarfríin verða að bíða til næsta árs!
Viðbrögð við nýrri ríkisstjórn Framsóknarflokks og Sjálfstæðisflokks hafa yfirleitt verið jákvæð og forystumenn stjórnarandstöðunnar hafa sýnt hófsemd í ummælum sínum, sem er skynsamlegt hjá þeim. Segja má, að einu hnökrarnir, sem upp hafa komið snúi að umverfisráðuneytinu. Ráðstafanir varðandi það hafa vakið tortryggni.
Ný ríkisstjórn fær mikinn meðbyr í upphafi
Fólkið í landinu bindur miklar vonir við nýja ríkisstjórn og ekki er ólíklegt að stjórnarsáttmáli stjórnarflokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkisstjórn hefur á seinni hluta kjörtímabils hennar verið eins og þungt farg á þjóðinni.
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.