Er ASÍ eitt síðasta karlavígið á Íslandi?
Brezka sunnudagsblaðið The Observer segir frá því í dag, að konur séu að verða stöðugt áhrifameiri í verkalýðshreyfingunni í Bretlandi, sem má muna sinn fífil fegri.Á áttunda áratug síðustu aldar voru félagsmenn í verkalýðsfélögunum um 13 milljónir. Nú eru þeir um sex milljónir. En vaxandi atvinnuleysi meðal kvenna hefur leitt til þess að konur og aðgerðarsinnar úr hópi kvenna láta nú stöðugt meira til sín taka í brezku verkalýðssamtökunum.
Þessar fréttir frá Bretlandi vekja upp spurningar um stöðu kvenna innan verkalýðshreyfingarinnar á Íslandi. Getur verið að verkalýðshreyfingin hér sé eitt síðasta karlavígið í landinu?
Eftir fjögur ár verða 100 ár liðin frá stofnun Alþýðusambands Íslands. Getur verið að eitt hundrað ár eigi eftir að líða frá stofnun þess án þess að kona hafi verið forseti þessara samtaka?
Rétt er að taka fram, að Ingibjörg R. Guðmundsdóttir bauð sig fram til þess að verða forseti ASÍ árið 2008 en náði ekki kjöri.
En að vísu má segja, að verkalýðsfélögin séu ekki ein á báti í þessum efnum. Konur hafa ekki átt greiðan aðgang að forystu stjórnmálaflokkanna.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- LeiðariFramkvæmastjórn ESB og feilspor Össurar
- FréttRitað undir fríverslunarsamning Kína og Sviss
- Í pottinumEr ekki alveg öruggt að VG styður stefnu ríkisstjórnarinnar gagnvart ESB?
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- LeiðariEkkert uppnám i Evrópu-Hvað veldur Össur?
- FréttDansmærin Ruby breytir framburði sínum í máli sem tengist Berlusconi
- ViðskiptavaktinLandbúnaðurinn hefur gagnsókn á hendur verzluninni
- Í pottinumÓlundarlegir fráfarandi ráðherrar
- FréttÍtalía: Beppe Grillo ætlar að knýja fram þjóðaratkvæðagreiðslu um ESB og evruna
- FréttEvrópa: Efnamunur minnstur í Noregi og á Íslandi
VG: Katrín þakkar og lýsir árangri en gleymir að skýra úrslit þingkosninganna á
Katrín Jakobsdóttir, formaður VG, sendi félögum sínum í flokknum þakkarkveðju í tilefni stjórnarskiptanna fimmtudaginn 23. maí. Þar sagði hún ljóst að árangur ríkisstjórnar Vinstri-grænna og Samfylkingar hefði verið „mikill“. Fyrst og fremst hefði náðst „gríðarlegur árangur í ríkisfjármálum án þess ...
Sumarfríin verða að bíða til næsta árs!
Viðbrögð við nýrri ríkisstjórn Framsóknarflokks og Sjálfstæðisflokks hafa yfirleitt verið jákvæð og forystumenn stjórnarandstöðunnar hafa sýnt hófsemd í ummælum sínum, sem er skynsamlegt hjá þeim. Segja má, að einu hnökrarnir, sem upp hafa komið snúi að umverfisráðuneytinu. Ráðstafanir varðandi það hafa vakið tortryggni.
Ný ríkisstjórn fær mikinn meðbyr í upphafi
Fólkið í landinu bindur miklar vonir við nýja ríkisstjórn og ekki er ólíklegt að stjórnarsáttmáli stjórnarflokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkisstjórn hefur á seinni hluta kjörtímabils hennar verið eins og þungt farg á þjóðinni.
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.