Westerwelle: Megum ekki „tala Evrópu í sundur“-FT: Er Rajoy heyrnarlaus gagnvart vanda Spánar

Guido Westerwelle, utanríkisráðherra, og Angela Merkel, kanslari, tilkynna að þau ætli að íhuga líf kjarnorkuvera.

Stjórnmálamennirnir í Evrópu eru eins og sundruð hjörð, sem hleypur í allar áttir. Það er ljóst að Mario Monti, forsætisráðherra Ítalíu, hefur komið við auman blett, þegar hann um helgina varaði við því að evrukreppan væri að snúast upp í átök þjóða í milli.

Mariano Rajoy

Guido Westerwelle, utanríkisráðherra Þýzkalands sagði í morgun, mánudagsmorgun, að evrópskir stjórnmálamenn mættu ekki „tala Evrópu í sundur“. Hann sagði jafnframt í tölvupósti til Bloomberg að tónninn í umræðum um evrukreppuna væri orðinn „mjög hættulegur“

Georg Streiter, aðstoðar blaðafulltrúi Angelu Merkel sagði að kanslarinn væri ekki sammála Monti og hvatti til rósemi í umræðum.

Volker Kauder, formaður þingflokks Kristilegra demókrata í Berlín fagnar andstöðu Jens Weidmann, bankastjóra Bundesbank við hugmyndir og áform Mario Draghis.

Í Financial Times í dag er Mariano Rajoy, forsætisráðherrar Spánar sakaður um heyrnarleysi. Hann verði ekki var við efnahagsvandamál Spánar. FT hefur eftir manni í innsta hring Lýðflokksins, flokks Rajoy, að hann sé rangur maður, á röngum stað á röngum tíma.

Einn af fyrrverandi ritstjórum El País segir að Rajoy virðist ekki skilja að umheimurinn hlusti á það sem hann segi og horfi á það sem hann geri. Hann sé eins og maður sem sé að ávarpa litla kirkjusókn fyrir tíma netsins.

Þetta er tónninn í fréttum frá Evrópu í morgun!

SG