Miðvikudagurinn 22. febrúar 2012

Evrópa: Lækkandi markaðir og sviptingar í viðskiptalífi


Styrmir Gunnarsson
28. janúar 2012 klukkan 10:28

Fjármálamarkaðir stefndu yfirleitt niður á við í gær. London lokaði síðdegis í gær með lækkun, sem nam1,07%, Frankfurt lækkaði um 0,43% og París um 1,32%. Dow Jones lækkaði í gærkvöldi að okkar tíma um 0,58% en Nasdaq hækkaði um 0,40%.

Vafalaust hafa lækkanir á lánshæfismati einstakra evruríkja átt hlut að máli svo og að nýjar tölur um hagvöxt í Bandaríkjunum voru ekki jafn góðar og talið var að þær mundu verða.

Fréttir úr viðskiptalífinu í Evrópu eru með ýmsum hætti. Þannig er nú ljóst að spænska flugfélagið Spanair er orðið gjaldþrota en það er að verulegu leyti í eigu SAS. Berlingske Tidende segir þó að SAS sjálft sé ekki í hættu þrátt fyrir gjaldþrot Spanair. Hins vegar er ljóst að SAS á í miklum erfiðleikum og hefur m.a. misst viðskipti til norska flugfélagsins Norwegian.

Þótt Ford-verksmiðjunar í Bandaríkjunum séu á mikilli uppleið er tap á rekstri Ford í Evrópu.

Í fjölmiðlaheiminum berast þær fréttir að starfsmenn á Berlingske Tidende hafi lagt niður störf að einhverju leyti vegna fækkunar um 70 störf á 2500 manna vinnustað, sem Lisbeth Knudsen, aðalritstjóri blaðsins og aðalforstjóri útgáfufyrirtækisins kann ekki að meta ef marka má viðtal við hana á netútgáfu blaðsins í dag.

SG

 
Senda með tölvupósti  Senda á Facebook  Senda á Twitter  Vista sem pdf  Prenta

Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.

 
 
Eftir Bjarna Jónsson Pistill

Um sæstrengi til aflflutnings á milli Íslands og Evrópu

„Eitthvað annað“ í umræðunni um atvinnusköpun á Íslandi hefur nú orðið sér rækilega til skammar, þar sem það hefur reynzt algerlega merkingarlaust og gagnslaust í framkvæmd. Því var aldrei ætlað annað hlutverk en að afvegaleiða umræðuna frá háu þjóðhagslegu notagildi stóriðju fyrir íslenzkt atvinnulíf.

 
Mest lesið
Fleira í viðskiptavaktinni

Þýzki Bundesbank neitar kröfum um örvandi aðgerðir

Þýzki Bundesbankinn hafnar kröfum frá bæði Bandaríkjunum og Alþjóða gjaldeyris­sjóðnum um að bankinn grípi til sérstakra örvunaraðgerða í efnahagsmálum, sem fjármagnaðar væru með opinberu fé. Bankinn telur að þýzka efnahagskerfið sé svo sterkt að það muni rétta við af sjálfu sér, þótt samdráttur hafi komið fram í lok síðasta árs. Þessi afstaða Bundesbank kom fram í skýrslu, sem birt var sl.

Mario Monti: Ekki þörf á frekari niðurskurði-herferð gegn skattsvikum skilar auknum tekjum

Mario Monti, forsætis­ráðherra Ítalíu var bjartsýnn á fundi með ítölskum fjármálamönnum í gær að því er fram kemur á Deutsche-Welle. Hann sagði að tími niðurskurðar væri liðinn. Sá niðurskurður, sem ákveðinn var á fjárlögum fyrir þetta ár mundi duga, en hann nemur um 21 milljarði evra. Monti sagði að fjárlögin byggðu á mjög litlum hagvexti en háum lántökukostnaði.

Samstarf milli svæða í Noregi og Rússlandi

Stafangur er eins konar olíuborg Noregs og Stafangur og Rogaland, héraðið í kringum Stafangur hafa lengi unnið sameiginlega að uppbyggingu olíuiðnaðar og tengds iðnaðar á svæðinu. Með sama hætti hafa Troms og Finnmörk lengi unnið saman og tekið upp tengsl við Norðvestur-Rússland.

Félagsmála­ráðherra Írlands: Seðlabanki Evrópu ber sína ábyrgð á lánabólunni í jaðarríkjum evrunnar

Joan Burton, félagsmála­ráðherra Írlands, sagði á fundi í Brussel hjá Institute for International and European Affairs, að Seðlabanki Evrópu yrði að horfast í augu við og axla sinn hluta af ábyrgðinni á lánabólunni á Írlandi og í fleiri jaðarríkum evru­svæðisins. Hún sagði að þróun evrunnar hefði leitt til þess að mikið lánsfjármagn hafi flætt til Írlands.

 
 
    Um Evrópuvaktina     RSS