Moody´s: Brotthvarf Grikklands getur þýtt lækkun á lánshæfismati Þýzkalands
Bandaríska lánshæfismatsfyrirtækið Moody´s segir að brotthvarf Grikklands af evrusvæðinu geti leitt til lækkunar á lánshæfismati betur staddra evruríkja, þar á meðal Þýzkalands. Þetta kemur fram á Deutsche-Welle í dag. Í tilkynningu frá Moody's í gær kemur fram, að í slíku tilviki muni fyrirtækið endurskoða lánshæfismat allra evruríkja, þar á meðal þeirra, sem nú njóti AAA mats. Það eru Austurríki, Frakkland, Þýzkaland, Finnland, Lúxemborg og Holland.
Moody´s bendir á að slíkt brotthvarf Grikklands geti þýtt töp fyrir þá, sem eiga grískar eignir, þar á meðal í skuldabréfum, bæði beint og óbeint. Fyrirtækið segir að slík þróun gæti ógnað tilveru evrunnar.
Þá lét Moody´s þess getið að neyðaraðstoð við spænska banka gæti leitt til lækkunar á lánshæfismati Spánar.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
Olíuvinnsla við Ísland (II): Þjónusta við orkuþríhyrning norður af Íslandi opnar ný tækifæri
Í BA-ritgerð í hagfræði, sem Hildur Sturludóttir skrifaði við Háskóla Íslands og birt var í febrúar á þessu ári er ferlinu við hugsanlega olíuvinnslu lýst með eftirfarandi hætti: "Fyrsta stigið kallast frumathugunarstig.
- LeiðariESB-viðræður stöðvaðar - hver leggur til að þeim verði fram haldið?
- Í pottinumHver verða viðbrögð fráfarandi stjórnarflokka?-Hafa þeir allt á hornum sér?
- FréttNý ríkisstjórn gerir hlé á aðildarviðræðum- nýjar viðræður ekki án þjóðaratkvæðagreiðslu
- LeiðariTímamót
- FréttÍtalía: Milljónir hafa ekki efni á að hita heimili sín eða borða kjöt
- StjórnmálavaktinNý ríkisstjórn fær mikinn meðbyr í upphafi
- LeiðariFrakklandsforseti skellir skuldinni á ESB
- ViðskiptavaktinNýr Englandsbankastjóri: Evrópa stendur frammi fyrir stöðnun í áratug að óbreyttu
- FréttStokkhólmur: Kveikt í bílum-íkveikjur í níu borgarhverfum-vandamál tengd innflytjendum
- ViðskiptavaktinSala Vodafón dregst saman í Evrópu vegna efnahagslægðar
Nýr Englandsbankastjóri: Evrópa stendur frammi fyrir stöðnun í áratug að óbreyttu
Mark Carney, sem er að taka við sem bankastjóri Englandsbanka segir að Evrópa standi frammi fyrir áratug stöðnunar, „týndum áratug“ (lost decade) ef ekki verði gripið til djarfra aðgerða eins og gert hefur verið í Japan. Daily Telegraph segir að þessi ummæli ýti undir vangaveltur um að hann muni grípa til áþekkra aðgerða, þegar hann tekur við starfi innan tíðar.
Sala Vodafón dregst saman í Evrópu vegna efnahagslægðar
Efnahagslægðin í Evrópu og þá sérstaklega á evrusvæðinu er farin að taka sinn toll. BBC segir frá því í morgun að í fyrsta sinn í átta ár hafi sala Vodafón, sem er farsíma„risi“ dregizt saman. Tekjur á ársgrundvelli hafa dregizt saman um 4,4% í kjölfar lækkunar á gjaldskrá, sem var viðleitni til að halda viðskiptavinum.
Bretland: Hópur forystumanna í viðskiptalífi vill áfram aðild að ESB
Hópu forystumann í brezku viðskiptalífi heldur því fram, að fjárhagslegur ávinningur Breta af aðild að Evrópusambandinu nemi um 92 milljörðum punda á ári.
Þýzka þingið hefur sett 30 ný lög um strangari reglur vegna starfsemi banka
Þýzka þingið hefur sett um 30 ný lög, sem snerta fjármálamarkaði. Þetta kemur fram á Deutsche-Welle, sem segir að í lögunum felist nýjar og strangari reglur um fjármálamarkaði, sem þýzkur þingmaður (CDU), Hans Michelbach lýsir sem nýrri stjórnarskrá fyrir banka. Umræður og atkvæðagreiðslur stóðu yfir í tvo daga.