Rússland: Ríkisjárnbrautarfyrirtækið „risastórt viðskiptatækifæri“
Reuters-fréttastofan heldur áfram að birta fréttir og greinar um spillingu í kringum yfirstjórn Rússlands. Hér á Viðskiptavakt EV hefur verið sagt frá stórgróða vina Pútíns vegna sölu á tækjabúnaði til sjúkrahúsa í Rússlandi. Síðustu daga hefur Reuters sagt frá sambærilegri spillingu í kringum byggingu spítala í Rússlandi og nú síðast vegna útboða á vegum ríkisjárnbrautanna, sem stjórnað er af nánum vini Pútíns.
Reuters segir að slíkum verkum hafi verið úthlutað til fyrirtækja sem eru með falda eignaraðild. Velta járnbrautanna er um 42 milljarðar dollara á ári og þær flytja um 1 milljarð farþega. Fyrirtækið er því „risastórt viðskiptatækifæri“ að sögn Reuters.
Rannsóknir Reuters benda til að fyrirtækin, sem fá verkefnin hafi í sumum tilvikum enga viðveru á skráðu lögheimili og í öðrum tilvikum mjög litla.
Þá kemur í ljós að þótt fyrirtæki, sem bjóði í verk virðist vera keppinautar séu þau í raun nátengd.
Reuters tekur dæmi um 43 útboð að verðmæti um 340 milljónir dollara, sem fram fóru á árunum 2010-2013. Í hvert sinn voru einungis tvö fyrirtæki, sem buðu í verkin. Fyrirtækin tvö voru sett upp sama dag af sama manni, sem var fulltrúi óþekktra aðila. Fyrirtækin tvö opnuðu bankareikninga í sama banka á sama degi og gáfu upp sama starfsmannafjölda tvö ár í röð. Í einu tilviki voru tilboð þeirra lögð fram með mínútu millibili.
Í október sl. opnuðu þau vefsíður sama dag.
Reuters segir að milljónir dollara hafi farið úr sjóðum rússnesku járnbrautanna til gervifyrirtækja, sem hafi ekki haft neina starfsemi með höndum.
Á árinu 2012 borguðu járnbrautirnar 22,5 milljarða dollara til verktakafyrirtækja.
Forstjóri járnbrautanna er einn þeirra sem Bandaríkjamenn settu á svartan lista eftir yfirtöku Rússa á Krímskaga.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
+Hér birtist í heild bréf sem Víglundur Þorsteinsson afhenti í Alþingishúsinu mánudaginn 10. febrúar. Áður hafði Víglundur skrifað Einari K. Guðfinnssyni forseta Alþingis um sama efni.+ Bréf til stjórnskipunar- og eftirlitsnefndar Alþingis, Hr. formaður Ögmundur Jónasson Í framhaldi af b...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Svíþjóð: Upptaka evru ekki á dagskrá í fyrirsjáanlegri framtíð
Fredrik Reinfeldt, forsætisráðherra Svíþjóðar og Stefan Löfven, leiðtogi jafnaðarmanna í Svíþjóð hafa báðir sagt að upptaka evru sé ekki á dagskrá í fyrirsjáanlegri framtíð í Svíþjóð. Þetta kom fram í rökræðum í sænska sjónvarpinu í gærkvöldi. Löfven kvaðst hafa greitt atkvæði með því að taka upp evru árið 2003 en þjóðin hefði sagt nei og málið væri ekkert nálægt því að komast á dagskrá á ný.
Reuters: Um „höll Pútíns“ við Svarta haf
Reuters-fréttastofan er þessa dagana að upplýsa hvernig kaupin gerast á eyrinni í Rússlandi Pútíns. Árið 2005 gaf Pútín, þá forseti eins og nú, fyrirmæli um að endurnýja tækjabúnað á heilbrigðisstofnunum í Rússlandi. Fimm árum síðar komust stjórnvöld að því að verðið á tækjunum var tvisvar til þrisvar sinnum hærra en eðlilegt var.
Credit Suisse viðurkennir saknæmt atferli
Credit Suisse hefur viðurkennt saknæmt atferli í starfsemi sinni að því er fram kemur í New York Times í dag. Frá því var sagt hér á þessum vettvangi fyrir nokkrum dögum að til þess kynni að koma. Blaðið segir að með játningu Credit Suisse liggi ljóst fyrir að enginn stórbanki geti verið viss um að hann verði ekki sakaður um saknæmt atferli.
Englandsbanki íhugar hámark fasteignalána sem ákveðið margfeldi af árslaunum
Mark Carney, Englandsbankastjóri, upplýsti í samtali við Sky sjónvarpsstöðina í gær, að bankinn væri að íhuga að setja þak á húsnæðislán, sem fólk gæti fengið og binda þau við ákveðið margfeldi af árslaunum. Englandsbanki hefur upplýst að veðlán, sem nema meira en fjórföldum árslaunum séu nú algengust.